শেহতীয়াকৈ যুক্তৰাজ্যৰ প্ৰধানমন্ত্ৰী ঋষি ছুনাকে ব্ৰিটেইনৰ সাধাৰণ নিৰ্বাচনৰ তাৰিখ ঘোষণা কৰিছে৷ চলিত বৰ্ষৰ ৪ জুলাইত তাত নিৰ্বাচন হ‘ব। আনহাতে ভোটদানৰ পূৰ্বে ছুনাকে এক বৃহৎ বিপৰ্যয়ৰ সন্মুখীন হ’বলগীয়া হৈছে৷ কাৰণ ৭৮জন সাংসদে পদত্যাগ কৰিছে৷ খবৰ অনুসৰি নিৰ্বাচনী প্ৰচাৰৰ প্ৰথম সপ্তাহৰ শেষৰ ফালে ছুনাকে ৰাজহুৱা অনুষ্ঠানৰ পৰা এদিনৰ “অস্বাভাৱিক বিৰতি” লৈছিল আৰু তাৰ পৰিৱৰ্তে নিজৰ ঘনিষ্ঠলোকৰ সৈতে নিৰ্বাচনী কৌশলকলৈ আলোচনাত মিলিত হৈছিল৷
কেবিনেট মন্ত্ৰী মাইকেল গ’ভ আৰু আন্দ্ৰেয়া লিডছম হৈছে কনজাৰ্ভেটিভ পাৰ্টিৰ শেহতীয়াসদস্য যিয়ে নিৰ্বাচনত অৱতীৰ্ণ নহ’ব বুলি ঘোষণা কৰিছে, যাৰ ফলত পদত্যাগ কৰা মুঠ সদস্যৰ সংখ্যা ৭৮লৈ হ্ৰাস পাইছে। দেশজুৰি বিভিন্ন ক্ষেত্ৰত বৰ্তমানৰ সাংসদ সদস্যসকলে সন্মুখীন হোৱা সমস্যাবোৰ ছুনাকে সমাধান কৰাৰ চেষ্টা চলাইছে৷ পদত্যাগ কৰাৰ সিদ্ধান্ত লোৱা সাংসদসকলৰ ভিতৰত আছে প্ৰাক্তন প্ৰধানমন্ত্ৰী থেৰেছা মে আৰু প্ৰাক্তন প্ৰতিৰক্ষা মন্ত্ৰী বেন ৱালেছ আদি।