আজি পবিত্ৰ ঈদ-উল-ফিতৰ। ঈদক লৈ ইছলাম ধৰ্মাৱলম্বী লোকৰ মাজত ব্যাপক উছাহ। আটকধুনীয়াকৈ সজাই তোলা হৈছে মছজিদসমূহ। পবিত্ৰ ঈদৰ দিনাই দৰঙৰ ধুলাত সংঘটিত শোকাৱহ দুৰ্ঘটনা।(Road Accident)
দুৰ্ঘটনাত জীৱন শেষ হৈ গ’ল শুকুৰ আলী আৰু জমিৰ আলীৰ। ধুলাৰ গৰাপৰি খেৰাজ গাঁৱত সোমবাৰে ৰাতিপুৱা শোকাৱহ মটৰ চাইকেলৰ মুখামুখি সংঘৰ্ষত আলগা চৰৰ শুকুৰ আলী (২৯) আৰু গড়াপৰিৰ জমিৰ আলীৰ(১৯) মৃত্যু।
আহত কিতাপ আলী আৰু নাছিৰুদ্দিন আলীক প্ৰথমতে মঙলদৈ অসামৰিক চিকিৎসালয় লৈ যোৱাৰ পিছত গুৱাহাটী চিকিৎসা মহাবিদ্যালয় চিকিৎসায়লয় লৈ প্ৰেৰণ কৰা হয়।
ঈদৰ নামাজৰ পূৰ্বে ঘৰৰ পৰা দুখন বাইক লৈ ওলাই আহিছিল চাৰিওজন যুৱক।