অধিক অনুসৰণকাৰীৰ প্ৰয়োজন। অধিক লাইক। সেই দৌৰত নৱম শ্ৰেণীৰ এজন ছাত্ৰই প্ৰাণ হেৰুৱালে। ইনষ্টাগ্ৰাম ৰিল বনাবলৈ ৰেল এখনে তেওঁক খুন্দিয়াই পেলালে। হায়দৰাবাদৰ সনাতনগৰত সংঘটিত হৈছে এই চাঞ্চল্যকৰ ঘটনা।
আৰক্ষীৰ সূত্ৰ অনুসৰি মৃত ছাত্ৰজনৰ নাম মহম্মদ সৰফৰাজ। ১৬ বছৰীয়া ল’ৰাটোৱে দুই বন্ধুৰ সৈতে ৰে’ল লাইনৰ কাষেৰে দৌৰি আহিছিল। বন্ধু এজনে ফোনত ভিডিঅ’ বনাই আছিল। দুয়োৰে মাজত বাজি আছিল ৰেলৰ সন্মুখত দৌৰা। বাকী দুজন বন্ধুৱে কাষৰ ট্ৰেকটোৰে চলন্ত ৰে’লৰ সমান্তৰালভাৱে দৌৰি আছিল।
কিন্তু সৰফৰাজে দৌৰি আহি ৰেলখন চলি থকা একেটা লাইনতে পৰিল। ঘটনাটো ক্ষন্তেকতে সংঘটিত হয়। কিশোৰজনৰ মৃতদেহ ৰে’লে ছিন্নভিন্ন কৰি দিয়ে। সেই দৃশ্য ছ’চিয়েল মিডিয়াতো ভাইৰেল হৈ পৰিছে।
তেওঁৰ দুই বন্ধুৱে সৰফৰাজৰ ঘৰলৈ গৈ দুৰ্ঘটনাটোৰ বিষয়ে অৱগত কৰে। ততাতৈয়াকৈ ঘটনাস্থলীত উপস্থিত হয় পৰিয়ালৰ লোক আৰু স্থানীয় লোক। এই তথ্য লাভ কৰাৰ পিছতে ঘটনাস্থলীত উপস্থিত হয় আৰক্ষী। আৰক্ষীয়ে ৰে’ল লাইনৰ কাষৰ পৰা কিশোৰজনৰ ৰক্তাক্ত মৃতদেহ উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰে।
ঘটনাস্থলীৰ পৰা উদ্ধাৰ কৰে সৰফৰাজৰ মোবাইল ফোন। প্ৰাথমিক তদন্তৰ সময়ত আৰক্ষীয়ে এই সাহসী ভিডিঅ’টো ছ’চিয়েল মিডিয়াত পোষ্ট কৰাৰ সময়ত ৰে’ল লাইনৰ কাষেৰে দৌৰি ফুৰিছিল ছাৰফৰাজ আৰু তেওঁৰ বন্ধুসকলে। তাৰ পৰাই দুৰ্ঘটনা। ঘটনাৰ তদন্তত দুজন বন্ধুক জেৰা অব্যাহত ৰাখিছে আৰক্ষীয়ে। এটি নাবালকৰ মৃত্যুত শোক প্ৰকাশ অঞ্চলটোৰ।