দৈত্যকায় ৰেলগাড়ী যেতিয়া কোনো জনবসতিপূৰ্ণ অঞ্চলৰ মাজেৰে আগবাঢ়ে তেতিয়া নিৰ্দিষ্ট সময়ৰ বাবে ৰেলগেট বন্ধ কৰি দিয়া হয়। দেশৰ বিভিন্ন ৰেলগেটত ৰখীয়া হিচাপে কৰ্মৰত হৈ আছে পুৰুষ সকল। যথেষ্ট কষ্টকৰ কামটোত কেতিয়াবা আপুনি কোনোবা নাৰী বা যুবতীক দেখিছেনে। নিশ্চয় দেখা নাই। পিছে দেশৰ এখন ৰেলগেটত এগৰাকী মহিলাই প্ৰত্যাহ্বান নেওঁচি আজিওঁ কৰ্মৰত হৈ দেশৰ প্ৰথম মহিলা হিচাপে পৰিচয় দিবলৈ সক্ষম হৈছে।
উত্তৰপ্ৰদেশৰ লক্ষ্ণৌ চহৰৰ পৰা কিছু নিলগত আছে মালপুৰ ৰেলগেট। এই গেটখনৰ দায়িত্বত আছে ছালমা বেইগ নামৰ মহিলা গৰাকী। তেওঁৰ পিতৃয়ে গেট-মেন হিচাপে কৰ্মৰত আছিল যদিওঁ শাৰীৰিক অসুস্থতাৰ বাবে তেওঁৰ কন্যাই দায়িত্ব লয় । ইয়াৰ পূৰ্বে ছালমা বেইগে পিতৃৰ পৰা সকলো নিয়ম- কানুন শিকি লৈছিল। কামত অভিজ্ঞ হোৱাৰ পিছত ছালমা বেইগে হাতত ৰেলগেটৰ চাবিৰ লগতে ৰঙা আৰু নীলা পতাকাৰ দায়িত্ব গ্ৰহন কৰে।
লমাই প্ৰথম অবস্থাত ৰাইজৰ পৰা বহু প্ৰত্যাহ্বান পাইছিল যদিওঁ পৰিয়ালৰ উৎসাহ, স্বামীৰ প্ৰেৰণাই সকলো প্ৰত্যাহ্বান নেওঁচি আজিওঁ নিৰ্দিষ্ট সময়ত নিজৰ দায়িত্ব পালন কৰি আছে হাঁহি মুখে। কৰ্মক ভয় কৰি যিসকল মহিলা বা যুবতী আজিওঁ ঘৰৰ ভিতৰত সোমাই আছে ছালমা বেইগ সেইসকলৰ বাবে হওঁক প্ৰেৰণা হওঁক আদৰ্শ।