ঈদ উপলক্ষে ছলমান খানে অনুৰাগীক চমক দিছে। অনুৰাগীক অভিনন্দন জনোৱাৰ সমান্তৰালকৈ ছচিয়েল মিডিয়াত এখন পাৰিবাৰিক ফটো শ্বেয়াৰ কৰিছে অভিনেতাজনে। সমগ্ৰ দেশতে বকৰী ঈদ উৎসৱ উদযাপন কৰা হৈছে। ইফালে বলীউডৰ ভাইজান অৰ্থাৎ ছলমান খানেও নিজৰ অনুৰাগীক ঈদৰ বাবে শুভেচ্ছা জনাইছে। ঈদ উপলক্ষে ছলমান খানে অনুৰাগীৰ বাবে এখন মৰমলগা পাৰিবাৰিক ফটো শ্বেয়াৰ কৰিছে। ছলমান খানে নিজৰ ইনষ্টাগ্ৰাম একাউণ্টত এই পৰিয়ালৰ ছবিখন শ্বেয়াৰ কৰিছে। য’ত তেওঁ নিজৰ দুগৰাকী ভগ্নী, ভাতৃ, মাতৃ আৰু পিতৃ আছে। ছবিখনত ছলমানৰ পিতৃ-মাতৃ, সোহেইল আৰু ভগ্নী চোফাত বহি আছে। আনহাতে ছলমান, আৰবাজ আৰু অৰ্পিতা চোফাৰ পিছফালে থিয় হৈ আছে। ফটোখনত ছলমানে মাকক মৰমত সাৱটি ধৰি থকা দেখা গৈছে।
পৰিয়ালটোৰ এই ফটোখন শ্বেয়াৰ কৰি ছলমানে কেপচনত লিখিছে – “ঈদ-উল-আধা মুবাৰক”।
ছলমানক শেষবাৰৰ বাবে দেখা গৈছিল ‘কিছি কা ভাই কিছি জান’ ছবিখনত। য’ত শ্বাহনাজ গিলেও অভিনয় কৰিছিল। এতিয়া অতি সোনকালে অভিনেতাগৰাকীক কেটৰিনা কাইফৰ সৈতে ‘টাইগাৰ ৩’ ছবিত দেখা যাব। অভিনেতা গৰাকীৰ অনুৰাগীসকলে এই ছবিখনৰ বাবে আগ্ৰহেৰে অপেক্ষা কৰি আছে।