ভাৰতীয় ষ্টেট বেংকে এক বিজ্ঞপ্তিযোগে প্ৰকাশ কৰিছে যে পৰিচয় প্ৰমাণ বা ৰিকুইজিচন স্লিপৰ প্ৰয়োজন নোহোৱাকৈ ২০০০ টকীয়া নোট বিনিময় কৰিব পাৰিব। বিনিময় প্ৰক্ৰিয়া সন্দৰ্ভত ছ’চিয়েল মিডিয়াত প্ৰচাৰিত উৰাবাতৰি আৰু ভুল তথ্যৰ প্ৰতি সঁহাৰি জনাই এই স্পষ্টীকৰণ দিয়া হৈছে।
“…সিদ্ধান্ত লোৱা হৈছে যে জনসাধাৰণৰ সকলো সদস্যক এটা সময়ত ২০,০০০ টকাৰ সীমা পৰ্যন্ত ২০০০ টকাৰ বেংক নোটৰ বিনিময়ৰ সুবিধা কোনো ধৰণৰ ৰিকুইজিচন স্লিপ নোলোৱাকৈ অনুমতি দিয়া হ’ব…কোনো ধৰণৰ পৰিচয় প্ৰমাণ দাখিল কৰাৰ প্ৰয়োজন নাই” এছ বি আইৰ বিজ্ঞপ্তিত উল্লেখ কৰা হৈছে।
ভাৰতীয় ৰিজাৰ্ভ বেংকে ২০০০ টকীয়া নোটৰ প্ৰচলন বন্ধ কৰাৰ কথা ঘোষণা কৰিছে, যিটো তৎকালীনভাৱে কাৰ্যকৰী হ’ব। ২০২৩ চনৰ ২৩ মে’ৰ পৰা অন্যান্য বৈধ মুদ্ৰাৰ সৈতে ২০০০ টকীয়া নোটৰ বিনিময় আৰু জমা আৰম্ভ কৰিবলৈ নিৰ্দেশ দিয়া হৈছে।সমগ্ৰ ভাৰতৰ ১৯টা আৰ বি আইৰ আঞ্চলিক কাৰ্যালয় (আৰ অ’)ত বিনিময়ৰ সুবিধা উপলব্ধ হ’ব।
বেংকসমূহক ৩০ ছেপ্টেম্বৰ, ২০২৩ লৈকে ২০০০ টকীয়া নোটৰ জমা/বা বিনিময়ৰ সুবিধা প্ৰদান কৰিবলৈ নিৰ্দেশ দিয়া হৈছে, যাতে জনসাধাৰণে প্ৰক্ৰিয়াটো সম্পূৰ্ণ কৰিবলৈ পৰ্যাপ্ত সময় পায়।
২০২৩ চনৰ ২৩ মে’ৰ পৰা আৰম্ভ কৰি এটা সময়ত ২০ হাজাৰ টকাৰ সীমা পৰ্যন্ত ব্যক্তিয়ে ২০০০ টকীয়া নোট অন্য মূল্যৰ সৈতে বিনিময় কৰিব পাৰিব।