বিশ্বনাথ বালিচাং উচ্চ ইংৰাজী বিদ্যালয়ত পালন কৰা হয় বিদ্যালয় সপ্তাহ ৷ বিভিন্ন কাৰ্যক্ৰমণিকাৰ মাজেৰে উদযাপন কৰা বিদ্যালয় সপ্তাহ উপলক্ষে ছাত্ৰছাত্ৰী সকলৰ মাজত অনুষ্ঠিত হয় কৃষ্টি প্ৰতিযোগিতা ৷ জ্যোতি সংগীত , ৰাভা সংগীত পৰিবেশন কৰাৰ লগতে দলীয় তথা আধুনিক নৃত্যও প্ৰদৰ্শন কৰে ছাত্ৰছাত্ৰী সকলে৷ (School Week)
এইদৰে সাংস্কৃতিক কাৰ্যসূচীৰে জীপাল হৈ পৰে বালিচাং উচ্চ ইংৰাজী বিদ্যালয়ৰ বিদ্যালয় সপ্তাহৰ কাৰ্যসুচী৷ ইয়াৰ পাছতে বিদ্যালয়ৰ পৰিছালনা সমিতিৰ সভাপতি গোপাল গুপ্তাৰ সভাপতিত্বত অনুষ্ঠিত হোৱা মুলসভা আৰু বঁটা বিতৰণী সভাত মুখ্য অতিথি হিচাবে উপস্থিত থাকি ছাত্ৰ ছাত্ৰী সকললৈ উদ্দেশ্যি শিক্ষামুলক বক্তব্য আগবঢ়াই বিজ্ঞানকৰ্মী তথা শিক্ষক ৰিপুঞ্জয় বৰদলৈয়ে ৷ ইয়াৰ উপৰিও অনুষ্ঠানটোত উপস্থিত থকা শিক্ষকমণ্ডলী, অৱসৰপ্ৰাপ্ত শিক্ষক, আছুৰ বিষয়ববীয়া সকলৰ উপৰিও কেইবাগৰাকী বিশিষ্ট ব্যক্তিয়ে উপস্থিত থাকি ছাত্ৰ ছাত্ৰী সকলক শৈক্ষিক দিশত উৎসাহিত কৰে৷
প্ৰধানশিক্ষক ৰমেশ নাথে বিদ্যালয়খনৰ প্ৰতিবেদন পাঠ কৰে ৷ অনুষ্ঠানটি পৰিছালনা কৰে শিক্ষক নিত্যানন্দ শৰ্মা ৷ কাৰ্যসূচীভাগ সৰ্বতোদিশে সাফল্যমণ্ডিত হোৱাত সন্তুষ্টি প্ৰকাশ কৰে ছাত্ৰ সংসদৰ অধ্যক্ষ দিগন্ত শইকীয়াকে ধৰি ছাত্ৰ সংসদৰ বিষয়ববীয়া সকল৷