ৰঙিয়া মহাবিদ্যালয়ত ৰাজনৈতিক বিভাগৰ উদ্যোগত আলোচনা চক্ৰ । বৃহস্পতিবাৰে ৰঙিয়া মহাবিদ্যালয়ৰ সভাকক্ষত এখন আলোচনা চক্ৰ অনুষ্ঠিত হৈ যায়। ভাৰতৰ স্বাধীনতাৰ সময়ত ৰাজনৈতিক দলসমূহৰ ভূমিকা সম্পৰ্কে এক আলোচনা চক্ৰ অনুষ্ঠিত কৰা হয় ছাত্ৰ -ছাত্ৰী আৰু শিক্ষক -শিক্ষয়িত্ৰী সকলৰ মাজত।
ছাত্ৰ -ছাত্ৰী আৰু আমন্ত্ৰিত অতিথিৰ মাজত প্ৰশ্নোত্তৰ ব্যৱস্থাৰ মাজেৰে উঠি অহা প্ৰজন্মক ইতিহাসৰ বিষয়ে জ্ঞান প্ৰদান কৰাই আছিল আলোচনাচক্ৰৰ মূল উদ্দেশ্য।ৰঙিয়া মহাবিদ্যালয়ৰ ৰাজনৈতিক বিভাগৰ উদ্যোগত আয়োজিত এই তত্ত্বগধুৰ আলোচনাচক্ৰ খনত ৰঙিয়া মহাবিদ্যালয়ৰ বিভিন্ন বিভাগৰ ছাত্ৰ- ছাত্ৰী সকলে অংশগ্ৰহণ কৰা দেখা যায়।
উল্লেখযোগ্য যে এই আলোচনা চক্ৰত মুখ্য অতিথি হিচাপে অংশগ্ৰহণ কৰে অসম চৰকাৰৰ জ্যেষ্ঠ নাগৰিক উন্নয়ন পৰিষদৰ অধ্যক্ষ প্ৰদীপ ঠাকুৰীয়া প্ৰমুখ্য ৰঙিয়া মহাবিদ্যালয়ৰ অধ্যক্ষ ব্ৰজেন্দ্ৰ শইকীয়া,ৰাজনৈতিক বিজ্ঞান বিভাগৰ অধ্যপিকা ৰানু চৌধুৰী আদিকে ধৰি ৰঙিয়া মহাবিদ্যালয়ৰ বহু কেইগৰাকী প্ৰবক্তা আৰু ছাত্ৰ -ছাত্ৰী সকল।