১৯৮১ চনত মুকেশ খান্নাই ‘ৰূহী’ ছবিৰ জৰিয়তে নিজৰ চলচ্চিত্ৰ কেৰিয়াৰ আৰম্ভ কৰিছিল। ইয়াৰ পিছত তেওঁ বহু হিন্দী ছবি আৰু টিভি শ্ব’ত কাম কৰিছিল। ১৯৮৮ চনত ‘মহাভাৰত’ত ভীষ্ম পীতামাহ আৰু ১৯৯৭ চনত ‘শক্তিমান’ত শক্তিমান আৰু গংগাধৰৰ চৰিত্ৰত অভিনয় কৰি তেওঁ বেছিকৈ পৰিচিত। এই চৰিত্ৰসমূহে তেওঁক দৰ্শকৰ মাজত বিশেষ স্বীকৃতি প্ৰদান কৰিছিল। ইফালে এতিয়া খবৰ আহি আছে যে মুকেশ খান্নাই ৬৬ বছৰ বয়সত পুনৰবাৰ ‘শক্তিমান’ হিচাপে ঘূৰি আঙিব দৰ্শকৰ মাজলৈ।(Shaktimaan)
ইয়াৰ পূৰ্বেও ‘শক্তিমান’ৰ ওপৰত এখন ছবি নিৰ্মাণ কৰা বুলি চৰ্চা চলিছিল। মুকেশ খান্নাই নিজেই ঘোষণা কৰিছিল যে তেওঁ পুনৰ এই চৰিত্ৰটোত অভিনয় কৰিবলৈ সাজু হৈছে।(Mukesh Khanna)তেওঁৰ কিছুমান ভিডিঅ’ ছ’চিয়েল মিডিয়াতো ভাইৰেল হৈ পৰিছে, য’ত তেওঁ আইকনিক শক্তিমান সাজ-পোছাক পিন্ধি সংবাদ মাধ্যমৰ সৈতে কথা-বতৰা পতা দেখা গৈছে। অৱশ্যে তেওঁৰ একাংশ অনুৰাগীয়ে এই কথাত সুখী হোৱাৰ বিপৰীতে একাংশইও এই সন্দৰ্ভত অসন্তুষ্টি প্ৰকাশ কৰিছে। শেহতীয়াকৈ মুকেশ খান্নাইও এএনআইৰ সৈতে কথা পাতি এই কথা ঘোষণা কৰিছে।
তেওঁ কয় যে তেওঁ পুনৰ ‘শক্তিমান’ৰ চৰিত্ৰলৈ ঘূৰি আহিব। শক্তিমানত মই ভাল অভিনয় কৰিলোঁ কাৰণ সেই চৰিত্ৰটো মোৰ হৃদয়ৰ পৰাই আহিছিল। অভিনয়ৰ প্ৰকৃত অৰ্থ হৈছে আত্মবিশ্বাস। শ্বুটিং কৰি থাকোঁতে কেমেৰাৰ প্ৰতি গুৰুত্ব নিদিওঁ। মই শক্তিমান হৈ অতি সুখী আৰু এই কথাত মই অধিক সুখী। তেওঁ কয় ‘মই মোৰ কৰ্তব্য পালন কৰি আছো যিটো মই ১৯৯৭ চনত আৰম্ভ কৰিছিলো আৰু ২০০৫ চনলৈকে চলি আছিল’।(Mukesh Khanna Returned as Shaktimaan)