লংকা
কৰ’ণা মহামাৰী ফলত সমগ্ৰ ভাৰতৰ লগতে অসমতো বলৱত থকা লকডাউনৰ ফলত বিশেষ কৈ পথচাৰী, মগনীয়া, অনাহাৰী লোকসকলৰ পানীত হাঁহ নচৰা অৱস্থা সৃষ্টি হৈছিল। লংকা চহৰতো তাৰ পূৰ্ণ প্ৰতিফলন পৰিছিল এই সকল লোকক সহায় কৰাৰ উদ্দেশ্যে লংকাৰ কিছু সেচ্ছাসেবকে লগ হৈ ‘সেৱা সংঘ’ নামাকৰণেৰে যোৱা ২৯ মাৰ্চৰ পৰা ৩১ মে’ লৈকে সেৱা সংঘৰ প্ৰত্যেক জন কাৰ্যকৰ্তাই নিজৰ ঘৰৰ পৰা ৰান্ধি আনি লংকা ৰেলৱে ষ্টেশনত থকা দৰিদ্ৰ, অন্ধ, আৰু অনাহাৰী সকলক দুপুৰীয়াৰ এসাজ আহাৰ যোগান ধৰি আহিছিল। সেৱা সংঘৰ সভাপতি বিশ্বনাথ দাস আৰু সম্পাদক ধ্যান সিং ৰ নেতৃত্বত ৬২ দিনযোৰা কাৰ্য্য সূচীৰ আজি সামৰণী পৰে। সেই উপলক্ষে অনুষ্ঠিত হোৱা অনুষ্ঠানত হোজাইৰ বিধায়ক শিলাদিত্য দেৱ উপস্থিত থাকি তেখেতে নিজে অনাহাৰী সকলক আহাৰ দিয়াৰ লগতে সেৱা সংঘৰ এই কাৰ্য্যক ভূয়সী প্ৰশংসা কৰি সকলো কাৰ্যকৰ্তাক ধন্যবাদ জ্ঞাপন কৰে।