গৰ্ভৱতী মহিলাই দৈ খোৱা উচিত নে? বহু গৰ্ভৱতী মহিলাই দৈ খালে শিশুৰ ক্ষতি হ’ব বুলি ভাবে। আজি আমি আপোনালোকক জনাম গৰ্ভৱতী মহিলাই দৈ খোৱাটো উচিত নে অনুচিত। দৈ অতি পুষ্টিকৰ খাদ্যবস্তু বিশেষজ্ঞসকলে দৈক স্বাস্থ্যৰ ক্ষেত্ৰত সকলো দিশতে উপকাৰী বুলি অভিহিত কৰিছে। দৈত প্ৰটিন, কেলচিয়াম, ভিটামিন বি১২ৰ অতি উত্তম উৎস।
গৰ্ভৱতী মহিলাই দৈ খোৱাৰ উপকাৰীতা-
দৈ খালে ৰোগ প্ৰতিৰোধ ক্ষমতা ভাল হয়। দৈত থকা প্ৰ’বায়’টিক অৰ্থাৎ ভাল বেক্টেৰিয়াই শৰীৰৰ ৰোগ প্ৰতিৰোধ ক্ষমতা বৃদ্ধি কৰি সংক্ৰমণৰ বিৰুদ্ধে যুঁজ দিয়াত সহায় কৰে। গৰ্ভাৱস্থাত মেজাজৰ পৰিৱৰ্তন আৰু মানসিক চাপৰ পৰা হাত সাৰিবলৈ দৈ সেৱন কৰিব লাগে। দৈত থকা প্ৰ’বায়’টিকে মেজাজ উন্নত কৰে আৰু উদ্বেগ দূৰ কৰে। ডিপ্ৰেছন সম্পৰ্কীয় লক্ষণসমূহৰ পৰাও উপশম পোৱাৰ ক্ষমতা আছে। গৰ্ভাৱস্থাত বি পি বৃদ্ধিৰ সমস্যাৰ বাবে জটিলতা আহিব পাৰে। এনে পৰিস্থিতিত দৈ খাব পাৰে। ইয়াত উপস্থিত থকা উচ্চ ৰক্তচাপ প্ৰতিৰোধী প্ৰভাৱে ৰক্তচাপ বজাই ৰখাত সহায় কৰে। দৈ খালে হাড় আৰু পেশী শক্তিশালী হয়। ইয়াত থকা প্ৰটিন আৰু কেলচিয়ামে হাড়ক দুৰ্বল হোৱাৰ পৰা ৰক্ষা কৰে। সুস্থ পেশী গঢ়ি তোলাত সহায় কৰে। গৰ্ভাৱস্থাত এচিডিটি আৰু হজম শক্তিৰ লগত জড়িত সমস্যাৰ সৃষ্টি হয়। এনে পৰিস্থিতিত যদি আপুনি দৈ সেৱন কৰে, তেন্তে ই হজম শক্তিৰ লগত জড়িত সমস্যাসমূহ নিয়ন্ত্ৰণ কৰাত সহায় কৰিব পাৰে।
পৰাপক্ষত ডক্তৰৰ পৰামৰ্শ লৈহে দৈ বা অন্যান্য কাদ্য সেৱন কৰিব লাগে গৰ্ভৱতী মহিলাই।