গুৱাহাটী, ৪ ডিচেম্বৰঃ ধেমাজিৰ চিলাপথাৰত(Silapathar) নৱজাতক ক্ৰয় বিক্ৰয়ৰ ভয়ংকৰ কাণ্ডই পুনৰ জোকাৰি তুলিছে সমূগ্ৰ চিলাপথাৰৰ লগতে ধেমাজি(Dhemaji) জিলাত।কিছুদিন পূৰ্বে শিশু বিশেষজ্ঞ চিকিৎসক ডাঃ চন্দ্ৰজিৎ দলেৰ বাসগৃহৰ পৰা শিশু ক্ৰয় বিক্ৰয়ৰ এক ঘটনাৰ চাঞ্চল্যৰ মাৰ নৌহওঁতেই পুনৰ শিশু বিক্ৰীৰ ভয়ংকৰ কাণ্ড শেহতীয়াকৈ পোহৰলৈ আহিছে।(Golaghat)
প্ৰাপ্ত খবৰ মতে, গোলাঘাটৰ ৭২১নং ৰে’ল পথৰ ৫নং ৱাৰ্ডৰ বাসিন্দাৰ ইদুল আলি(৩৪)ৰ পত্নী সীমা বেগমে(৩০) ২৫ ছেপ্টেম্বৰত যোৰহাট(Jorhat) চিকিৎসা মহাবিদ্যালয়ত তৃতীয়বাৰৰ বাবে এটি শিশুৰ জন্ম দিয়ে।(India)
প্ৰায় ২ মাহৰ পাছত ২৩ নৱেম্বৰ তাৰিখে যোৰহাটৰে হিমাশ্ৰী বৰা নামৰ মধ্যভোগীৰ সহযোগত চিলাপথাৰৰ কৈল্যাণ কেন্দ্ৰৰ নিবাসী শেৱালী দাস(৩২) আৰু সুনিতা দেৱী(২৮)ৰ সৈতে হিমাশ্ৰী বৰাৰ সহযোগত ৫০ হেজাৰ টকাৰ বিনিময়ত পিতৃ-মাতৃয়ে বিক্ৰী কৰে নিজ শিশুটিক।
কিছুদিনৰ অনন্তঃ নিজ শিশুৰ স্নেহ মোহৰ ভাৱে পুনৰ ২ ডিচেম্বৰ তাৰিখে সুনিতা দেৱীৰ পৰা নিজ নৱজাতক ঘূৰাই বিছাৰে মাতৃ সীমা বেগমে। পৰৱৰ্তী পৰ্যায়ত বগীবিল দলঙৰ নিচেই কাষৰ পৰা নিজ শিশুক সুনিতা দেৱীৰ পৰা ঘূৰাই নিয়া মূহুৰ্ত্তৰ আৰক্ষী উপস্থিত হয় ঘটনাস্থলীত।
উদ্ধাৰ কৰে শিশুটিৰ লগতে আটক কৰে শিশুটিৰ পিতৃ-মাতৃ লগতে ক্ৰয়তা সুনিতা দেৱীক। আৰক্ষীয়ে তৎকালীনভাৱে ধেমাজি জিলা শিশু কল্যাণ সমিতিক (চিডব্লিউচি) মাতি আনি তদন্ত ভাৱে গতাই দিয়াত কালি সন্ধিয়াই চি ডব্লিউ চিয়ে উভয়পক্ষক মাতি নি সোধ-পোছ কৰাত সমূগ্ৰ ঘটনা সন্দৰ্ভত স্বীকাৰোক্তিৰ প্ৰদান কৰে চিডব্লিউচিৰ ওচৰত।
লগে লগে চিলাপথাৰ থানাত চিডব্লিউচিয়ে লিখিত এজাহৰ দাখিল কৰাৰ ভিত্তিতেই চিলাপথাৰ আৰক্ষীয়ে ভাৰতীয় ন্যাস সংহিতা আইনৰ ৬১(২)/১৪৩(৪)/আৰ/ডব্লিউ ৮১ জেজেপি ধাৰাৰ ২৩২/২৪ নম্বৰত এক গোচৰ পঞ্জীয়ন কৰি শিশুটিৰ পিতৃ- ইদুল আলি, মাতৃ- সীমা বেগম আৰু নৱজাতক ক্ৰয় কৰা সুনিতা দেৱীক গ্ৰেপ্তাৰ কৰি সোধ-পোছৰ অন্তঃ আজি দুপৰীয়া ধেমাজি জিলা কাৰাগাৰত জেল হাজোতলৈ প্ৰেৰণ কৰে।
অৱশ্যেই সুনিতা দেৱীৰ স্বামী শেৱালী দাস আৰু যোৰহাটৰ হিমাশ্ৰী বৰাক এতিয়াও আৰক্ষীকে গ্ৰেপ্তাৰ কৰিব পৰা নাই দুই পলাতক বুলি জানিব পৰা গৈছে।
মাথো এটামাহৰ পূৰ্বে চিলাপথাৰৰ প্ৰতিষ্ঠিত শিশু বিশেষজ্ঞ চিকিৎসক ডাঃ চন্দ্ৰজিৎ দলেৰ বাসগৃহৰ পৰা শিশু ক্ৰয় বিক্ৰয়ৰ ভয়ংকৰ কাণ্ডই জোকাৰি যোৱা ঘটনাৰ চাঞ্চল্যৰ মাৰ নৌহওতেই পুনৰ চিলাপথাৰত তেনে কাৰ্য্যৰ খৱৰে তীব্ৰ প্ৰতিক্ৰিয়াৰ সৃষ্টি কৰিছে জিলাখনত।
কিমান নিঠুৰ পাষণ্ডৰ ব্যক্তি হলে টকাৰ বিনিময়ত নিজ সন্তানক বিক্ৰী কৰিব পাৰে তাকে লৈ ব্যাপক চৰ্চা চলিছে সচেতন ৰাইজৰ মাজত। শিশু ক্ৰয় বিক্ৰীৰ ভয়ংকৰ এই মানৱ সৰবৰাহ কাণ্ডত আৰু কোন জড়িত আছে আৰক্ষীৰ সঠিক তদন্তত সকলো ওলাই আহিব বুলি মন্তব্য কৰিছে ৰাইজে।