দৰং জিলাৰ পূৰ্বৰ কলাইগাঁও বিধানসভা সমষ্টিৰ অন্তৰ্গত আৰু বৰ্তমান ছিপাঝাৰ বিধান সভা সমষ্টিৰ অন্তৰ্গত ঐতিহাসিক নেওগপাৰা গোচৰণীয়া পথাৰত ১৯৯২ চনত স্হানীয় ৰাইজৰ একক প্ৰচেষ্টাত গঠন হৈছিল নেওগপাৰা মধ্য আৰু উচ্চ ইংৰাজী বিদ্যালয়খন।(Silver Jubilee) এই বিদ্যালয়খনে ইতিমধ্যেই ৰূপালী জয়ন্তী বৰ্ষ অতিক্ৰম কৰিলে। সেই উদ্দেশ্যেই অহা জানুৱাৰী মাহৰ ১৬ , ১৭ আৰু ১৮ তাৰিখে তিনিদিনীয়া বৰ্ণাঢ্য কাৰ্যসূচীৰে ৰূপালী জয়ন্তীখন সমন্বয় ক্ষেত্ৰ, বিদ্যালয়ৰ প্ৰাঙ্গণত অনুষ্ঠিত হ’ব।
কাৰ্যসূচী অনুসৰি ১৬ জানুৱাৰীত পৰিৱেশ নিকাকৰণ, বন্তি প্ৰজ্বলন, স্থায়ী তোৰণ উন্মোচন, স্মৃতি বেদী উম্মোচন, স্থায়ী পতাকা বেদী উম্মোচন, বিদ্যালয়ৰ পতাকা উত্তোলন, ৰূপালী জয়ন্তীৰ মূল পতাকা উত্তোলন লগতে ৰূপালী জয়ন্তীৰ ২৫ খন পতাকা উত্তোলন, স্মৃতি তৰ্পণ, ধৰনীখন সেউজ কৰো আহক শীৰ্ষক গছ পুলি ৰোপন, বিদ্যালয়ৰ প্ৰাক্তন ছাত্ৰ ছাত্ৰীৰ বিভিন্ন ধৰনৰ খেল ধেমালি প্ৰতিযোগিতা , চিত্ৰাংকন প্ৰতিযোগিতা,মুকলি কুইজ প্ৰতিযোগিতা আদি উন্মোচন কৰিব কেইবাগৰাকীও আমন্ত্ৰিত বিশিষ্ট লোকে।
ঠিক একেদৰেই ১৭ তাৰিখে পৰিবেশ নিকাকৰণ, অস্থায়ী মূল তোঁৰন সমুহ উন্মোচন , ক্ষেত্ৰ উন্মোচন, মঞ্চ উদ্বোধন, অতীতক সোৱৰী শীৰ্ষক অন্তৰংগ অনুষ্ঠান, সম্বৰ্ধনা অনুষ্ঠান আৰু আবেলি ৰূপালী জয়ন্তী উদযাপন সমিতিৰ উপ সভাপতি তথা প্ৰাক্তন ছাত্ৰ নেতা জিতেন চহৰীয়াৰ সভাপতিত্ব অনুষ্ঠিত হব বটাঁ বিতৰণী সভাখন । সন্ধিয়া অনুষ্ঠিত হব স্থানীয় শিল্পীসকলৰ দ্বাৰ পৰিৱেশিত বাৰে বৰণীয়া সাংস্কৃতিক অনুষ্ঠান। শেষৰ দিনা অৰ্থাত ১৮ তাৰিখে ৰাতিপুৱা ৮ বজাত ঔতলা মণ্ডল সমল কেন্দ্ৰৰ চি আৰ চি চি অৰুপ বৈশ্যই উদ্বোধন কৰিব বৰ্ণাধ্য সাংস্কৃতিক শোভাযাত্ৰা । দিনৰ ১২,৩০ বজাত ছিপাঝাৰ বিধানসভা সমষ্টিৰ বিধায়ক তথা ৰূপালী জয়ন্তী উদযাপন সমিতিৰ সভাপতি পৰমানন্দ ৰাজবংশীৰ পৌৰোহিত্যত অনুষ্ঠিত হব মুকলি সভা। বিটিচিৰ কাৰ্যবাহী সদস্য দিগন্ত বৰুৱাই উদ্বোধন কৰিব লগা সভাখনত মুখ্য অতিথিৰ আসন অলংকৃত কৰিব দৰং ওডালগুৰিৰ সাংসদ দিলীপ শইকীয়াই , নিৰ্দিষ্ট বক্তাৰ আসন অলংকৃত কৰিব মংগলদৈ মহাবিদ্যালয়ৰ অধ্যক্ষ কমলা কান্ত বড়াই, বিশিষ্ট অতিথিৰ আসন অলংকৃত কৰিব ক্রমে দৰং জিলাৰ আয়ুক্ত পৰাগ কুমাৰ কাকতি, সদৌ অসম মধ্য ইংৰাজী বিদ্যালয়ৰ শিক্ষক সন্থাৰ সভাপতি তথা সদৌ অসম কৰ্মচাৰী পৰিষদৰ সভাপতি দ্বীপেন শৰ্মা, দৰঙৰ বিশিষ্ট সাহিত্যিক ডা: অমৰেন্দ্ৰ নাৰায়ণ দেৱ, অসম সাহিত্য সভাৰ প্ৰাক্তন মুখপাত্ৰ ড০ চহিৰ ভূঞা আৰু সন্মানীয় অতিথি হিচাপে উপস্থিত থাকিব দৰঙৰ আৰক্ষী অধীক্ষক প্ৰকাশ সোণোৱাল, ছিপাঝাৰ প্ৰাক্তন বিধায়ক বিনন্দ শইকীয়া, ছিপাঝাৰৰ বিশিষ্ট সমাজকৰ্মী কুলদ্বীপ বৰুৱা । ৰূপালী জয়ন্তীৰ লগত সংগতি ৰাখি স্মৃতিগ্ৰন্থ উপ-সমিতিৰ সভানেত্ৰী পূৰ্নিমা ডেকা আৰু সম্পাদক ছাদ্দাম হুছেইনৰ দ্বাৰ প্ৰকাশ হব লগা বিভিন্ন ইতিহাস সম্বলিত স্মৃতিগ্ৰন্থখন উন্মোচন কৰিব মীন উন্নয়ন নিগমৰ অধ্যক্ষ তথা মংগলদৈৰ প্ৰাক্তন বিধায়ক গুৰুজ্যোতি দাসে।
নিশা অসমৰ জনপ্ৰিয় কণ্ঠশিল্পী প্ৰানদ্বীপ হাজৰিকা আৰু ৰুপাঞ্জলীৰ লগতে হৰি হৰ্ষিত আৰু ৰেকিবুদ্দিন আহমেদে গীত পৰিবেশন কৰাৰ প্ৰাকমুহূৰ্তত সাংস্কৃতিক মঞ্চ উম্মোচন কৰিব অসমৰ অন্য এগৰাকী জনপ্ৰিয় কণ্ঠশিল্পী হীৰকচানে। উদযাপন সমিতিৰ সম্পাদক ইক্ৰামূল মজিদে আমাক জানিব দিয়া মতে অনুস্থানখন সফল কৰি তুলিবলৈ বিভিন্নখন উপসমিতি গঠন কৰা হৈছে আৰু সকলোবোৰ উপসমিতিৰে সভাপতি সম্পাদক আৰু সদস্য সকলে স্বেচ্চাই নিজৰ নিজৰ দায়িত্ব সমুহ পালন কৰি আছে।