skine । শীত আহিলে ছালৰ সৌন্দৰ্য্য কমে। শীতকালত কঠোৰ আৰু ঠাণ্ডা বতাহে আমাৰ ছালৰ আৰ্দ্ৰতা, প্ৰাকৃতিক তেল শোষণ কৰে। ছালখন শুকান হৈ পৰে। আইনাৰ সন্মুখত থিয় হ’লে হাত ভৰি, মুখ আৰু ডিঙিৰ ছালখন নিৰ্জীৱ যেন লাগে।
বহুতে এই কথাত হতাশ হৈ পৰে। বহুতে ভাবে যে শীতকাল শেষ হ’লেহে সমস্যাটো কমিব। ঠাণ্ডাত আৰ্দ্ৰতাৰ অভাৱত বহু সমস্যা অধিক ভয়াৱহ হৈ পৰে। এইবোৰৰ পৰা মুক্তি পাবলৈ সঠিক যত্ন আৰু ছালৰ ধৰণৰ বাবে ক্ৰীম বা মইশ্ব’ৰাইজাৰৰ প্ৰয়োজন হয়। যিয়ে ছালখনক হাইড্ৰেটেড আৰু গ্ল’য়িং কৰি ৰখাত সহায় কৰিব।
‘ .
শীতকালত ছালখন সুন্দৰ কৰক
ছাল শুকান হ’লে কেতিয়াবা ছালৰ ৰোগ হ’ব পাৰে। প্ৰতিদিনে গা ধোৱাৰ পিছত আৰু ৰাতিপুৱা ভাল মানৰ মইশ্ব’ৰাইজাৰ লগাব লাগে। কিন্তু শৰীৰৰ ওপৰতহে বডি মইশ্ব’ৰাইজাৰ ব্যৱহাৰ কৰাটো ভাল। মুখৰ বাবে সুকীয়াকৈ ফেচ মইশ্ব’ৰাইজাৰ ব্যৱহাৰ কৰিব লাগে। কাৰণ মুখমণ্ডল আৰু শৰীৰৰ অন্যান্য অংশৰ ছাল একে নহয়। শীতকালত ছালখন কোমল কৰি ৰাখিবলৈ তেল বা পানী ভিত্তিক মইশ্ব’ৰাইজাৰে ভাল কাম কৰে।
বহুতে শীতকালত গা ধুবলৈ কুণ্ঠাবোধ কৰে। এই অভ্যাস ছালৰ বাবে ক্ষতিকাৰক। বৰঞ্চ নিয়মীয়াকৈ গা ধোৱাৰ ফলত ছালখন আৰ্দ্ৰ হৈ থাকে। গা ধোৱাৰ সময়ত পানীত আৱশ্যকীয় তেল মিহলাই ল’ব পাৰে। ইয়াৰ ফলত ছালত মইশ্ব’ৰাইজাৰৰ তৰপ এটা সৃষ্টি হয়। শীতকালত ছালত ৰ’দ লগালে ভাল যদিও নিয়মিতভাৱে ছানস্ক্ৰীণ ব্যৱহাৰ কৰিব লাগে। অন্যথা ছালখন ক’লা হৈ পৰিব পাৰে। আনকি আন সমস্যাৰো সৃষ্টি হ’ব পাৰে। বাহিৰলৈ ওলোৱাৰ আধা ঘণ্টা আগতে নিশ্চয়কৈ ছানস্ক্ৰীণ লগাব লাগে। ভৰি ৰুক্ষ বা ফাটি গ’লে ৰাতি ভাল মইশ্ব’ৰাইজাৰ লগাব লাগে আৰু মোজা পিন্ধি শুৱ লাগে। বহুত কমি যাব।
শীতকালত দৈনিক ছালৰ যত্ন ল’ব লাগে। আৰ্দ্ৰতা ধৰি ৰাখিবলৈ নিয়মিতভাৱে ছালত লোচন আৰু মইশ্ব’ৰাইজাৰ প্ৰয়োগ কৰিব লাগে। শীতকালতো ওঁঠৰ বিশেষ যত্নৰ প্ৰয়োজন হয়। শীতকালত ওঁঠ দুটা অধিক সুক্ষ্ম হয়। বহুবাৰ ওঁঠ শুকান হৈ ফাটি যায়। গতিকে প্ৰতিদিনে নিয়মিতভাৱে লিপ বাম লগাব লাগে। শুই উঠাৰ আগতেও লগাব লাগে। ইয়াৰ উপৰিও ওঁঠৰ মৰা ছাল আঁতৰাবলৈ সপ্তাহত ২-৩ বাৰ ওঁঠত ধুই লোৱাটোও জৰুৰী। ইয়াৰ বাবে চেনি, মৌ, নেমুৰ ৰস মিহলাই ওঁঠত ঘঁহিব পাৰি।
শীতকালত ছালৰ যত্ন লোৱাটো অধিক উপকাৰী। শীতকালত শুকান বতাহে ধূলিৰ পৰিমাণ বৃদ্ধি কৰে। এই সময়ত বাহিৰৰ পৰা উভতি আহি মুখখন পৰিষ্কাৰ কৰক। গাখীৰত কপাহ ডুবাই গোটেই মুখখন মচিব। এই কামটো দুবাৰৰ পৰা তিনিবাৰ কৰক। শুকুৱাৰ পিছত মুখখন ভালদৰে ধুই মইশ্ব’ৰাইজাৰ লগাব। গাখীৰত থকা লেক্টিক এচিড মূলতঃ এক প্ৰকাৰৰ আলফা-হাইড্ৰক্সি এচিড, যিয়ে ছালৰ ভিতৰৰ পৰা মলি পৰিষ্কাৰ কৰাত সহায় কৰে।
ছালত মইশ্ব’ৰাইজাৰ বা লোচন ব্যৱহাৰ কৰাৰ পিছত এক্সফ’লিয়েচন অতি প্ৰয়োজনীয়। ই মৃত কোষৰ স্তৰটো আঁতৰাই ভিতৰৰ কোমল, স্পন্দনশীল ছালখন উন্মোচন কৰে। এইবোৰৰ লগতে নিয়মিতভাৱে পৰ্যাপ্ত পৰিমাণৰ পানী খাব লাগে।
খাদ্যৰ লগতে বিভিন্ন ফল-মূল, তৰল বা পানীযুক্ত খাদ্য ৰাখিব লাগে। ভিটামিন-ই আৰু ওমেগা-৩ ফেটি এচিডযুক্ত খাদ্য যেনে বাদাম, তেল বা চৰ্বিযুক্ত মাছ, গুটি আদিয়ে ছালৰ ভিতৰৰ পৰা পুষ্টি প্ৰদান কৰিব। শীতকালতো ছাল উজ্জ্বল হৈ উঠিব।