শৈশৱত পিতৃ-মাতৃ বা বয়োজ্যেষ্ঠসকলে প্ৰায়ে লাহে লাহে আৰু কম কমকৈ খাবলৈ পৰামৰ্শ দিছিল।(Slow Eating) সেই সময়ত আমি ভাবিছিলো যে এয়া কেৱল এক উপদেশ, কিন্তু এতিয়া বিজ্ঞানীসকলেও এই কথা সঁচা বুলি কৈছে।
যেতিয়া আপুনি বেছি খৰকৈ খাদ্য খায় তেতিয়া হজম শক্তিত প্ৰভাৱ পৰে। পাচন প্ৰক্ৰিয়া মুখৰ পৰা আৰম্ভ হয়, য’ত এমাইলেজ এনজাইমে কাৰ্বহাইড্ৰেট নষ্ট কৰে।
যদি আপুনি খৰধৰকৈ খাদ্য খায় আৰু ভালদৰে চোবাই নাখাই তেতিয়া অধিক গেছ উৎপাদন হ’ব পাৰে। যিমানেই চোবাই খাব সিমানেই এনজাইমেটিক ক্ৰিয়া আৰু পুষ্টি শোষণ ভাল হয়।
খৰখেদাকৈ খাদ্য খোৱাৰ অসুবিধাসমূহ:
খাদ্য সোনকালে গিলিলে খাদ্যনলীৰ তলৰ স্ফিংক্টাৰ দুৰ্বল হ’ব পাৰে। খৰখেদাকৈ খাদ্য গ্ৰহণ কৰিলে এচিড ৰিফ্লাক্স আৰু হাৰ্টবাৰ্ণ হোৱাৰ সম্ভাৱনা বৃদ্ধি পায়।
খৰকৈ খাদ্য খালে গেষ্ট্ৰ’কলিক ৰিফ্লেক্সৰ সূচনা কৰিব পাৰে, যাৰ ফলত ডায়েৰিয়াৰ দৰে সমস্যাৰ সৃষ্টি হ’ব পাৰে।
খাদ্য খৰকৈ গ্ৰহণ কৰিলে আপোনাৰ হৰম’ন, যেনে কলেচিষ্টোকিনিন, জিআইপি আৰু জিএলপি-১, আপোনাৰ মগজুক আপুনি পেট ভৰি পৰাৰ সংকেত দিবলৈ সময় নিদিয়ে। ইয়াৰ বাবে আপুনি আপোনাৰ ভোকৰ সঠিক হিচাপ কৰিব নোৱাৰে আৰু শেষত আপুনি প্ৰয়োজনতকৈ বেছি খাদ্য খায়।