স্বাস্থ্য বিভাগৰ তৃতীয় বৰ্গৰ পদত লিখিত পৰীক্ষা দিবলৈ আহি পৰীক্ষা দিয়াৰ পৰা বঞ্চিত হল একাংশ পাৰ্থী ৷ বিভাগীয় কৰ্তৃপক্ষৰ অদূৰদৰ্শিতাৰ বাৱেই সুদুৰ চিৰাং আৰু বজালী জিলাৰ পৰা জামুগুৰিহাটত উপস্থিত হৈ পৰীক্ষাত বহিব নোৱাৰিলে এই কেইগৰাকী যুৱক ৷ পৰীক্ষাৰ প্ৰৱেশ পত্ৰত সম্পূৰ্ন ঠিকনা নথকা বাবেই বঞ্চিত এই সকল যুৱক৷ প্ৰবেশ পত্ৰত জামুগুৰি উচ্চতৰ মাধ্যমিক বিদ্যালয় বুলি উল্লেখ কৰাৰ বাৱেই এই সকল যুবক যোৱাকালি নিশাই উপস্থিত হয় জামুগুৰি হাটত৷
পিছে আজি প্ৰবেশ পত্ৰত থকা ৰোল নং পৰীক্ষা কেন্দ্ৰত বিছাৰি নেপায় হাহঁকাৰ লাগে এইসকল পৰীক্ষাৰ্থীৰ৷ উল্লেখ্যযে অসমৰ গোলাঘাট,নগাওঁ আৰু লক্ষিমপুৰ জিলাত জামুগুৰি বুলি স্থান থকাৰ উল্লেখ আছে যদিও সম্পূৰ্ণ ঠিকনাৰ অভাবতে পৰীক্ষাৰ্থী কেইজন বঞ্চিত হোৱা বুলি গুৰুত্বৰ অভিযোগ উঠিছে৷