সোনাক্ষী সিনহা আৰু জাহিৰ ইকবালৰ বিবাহৰ খবৰৰ মাজতে ছ’চিয়েল মিডিয়াত ফাদিল হৈছে দম্পতীহালৰ বিশেষ দিনটোৰ অডিঅ’ নিমন্ত্ৰণী পত্ৰ। ২৩ জুনত দুয়ো বিবাহপাশত আৱদ্ধ হোৱাৰ সম্ভাৱনা আছে। ‘হিৰমণ্ডি’ৰ পিছত সোনাক্ষী সিনহা এতিয়া ব্যক্তিগত জীৱনৰ শিৰোনামৰ অংশ হৈ পৰিছে। বিগত কেইবাদিনো ধৰি অভিনেত্ৰীগৰাকীৰ বিবাহৰ খবৰ ওলাই আছে। ইফালে সোনাক্ষী সিনহাই বিবাহৰ সম্পৰ্কে আনুষ্ঠানিকভাৱে একো প্ৰকাশ কৰা নাই।
সোণাক্ষী সিনহা আৰু জাহিৰ ইকবালৰ বিবাহৰ খবৰৰ মাজতে ছ’চিয়েল মিডিয়া প্লেটফৰ্ম ৰেডিটত ভাইৰেল হৈ পৰিছে এটা পোষ্ট। এইটো এটা অডিঅ’ বিয়াৰ নিমন্ত্ৰণী পত্ৰ, য’ত এটা QR ক’ড আছে। QR ক’ড স্কেন কৰাৰ লগে লগে সোণাক্ষী আৰু জাহিৰৰ কণ্ঠত এটা বাৰ্তা আহি পৰে।
অৱশ্যে স্পষ্টকৈ কওঁ যে এতিয়ালৈকে সোণাক্ষী আৰু জাহিৰে বিবাহৰ খবৰত কোনো ধৰণৰ বক্তব্য দিয়া নাই।