পশ্চিম যোৰহাট,২৮মাৰ্চ: যোৰহাটৰ অগ্ৰণী প্ৰকাশন গোষ্ঠী দিগদৰ্শন প্ৰকাশন আৰু এনাজৰী সাহিত্য-সংস্কৃতি গোষ্ঠীয়ে দেওবাৰে “গীত,নৃত্য আৰু কবিতাৰে এদিন”শীৰ্ষক এক ব্যতিক্ৰম অনুষ্ঠানৰ আয়োজন কৰে যোৰহাটৰ স্বৰ্গদেউ চাওলুং চ্যুকাফা কলাক্ষেত্ৰতৰ সহযোগত কলাক্ষেত্ৰৰ শিল্প কলা কেন্দ্ৰ প্ৰাংগণত। মহেকীয়া সাহিত্য আলোচনী “দিগদৰ্শন”ৰ সম্পাদক তথা সাংবাদিক পংকজ কুমাৰ দাস আৰু বিতুমণি ফুকনে আঁত ধৰা অনুষ্ঠানত বিহু নৃত্য, গোৱালপৰীয়া,মিচিং গীত-নৃত্যৰ লগতে বিভিন্ন কলা-সংস্কৃতি প্ৰদৰ্শন কৰি উপস্হিত সকলোৰে মন মুগ্ধ কৰে। অনুষ্ঠানত লৱনু শইকীয়াৰ “হৃদয়ত ফাগুন নামে”,সুৰভি বৰ পাত্ৰ গোহাঁইৰ “শাৰদী সন্ধিয়া”,বিনুপ্ৰভা কলিতা কাকতিৰ”ইতিবাচক চিন্তা”,দিপ্তী নাথৰ”ৰঙা গোলাপ”, ৰশ্মিৰেখা বায়নৰ “নিবন্ধ কৰণি” আৰু “অনুভৱৰ উন্মেষ”, বিতুমণি ফুকনৰ”অনুভৱৰ বঁকিয়াইদি”, জ্যোতিমনি শইকীয়া বৰুৱাৰ “প্ৰবন্ধ কৰণি”,নিৰু নাথৰ “বিহু নামৰ সংক্ষিপ্ত ৰূপৰেখা” আৰু “কণমানিহঁতৰ কুঁকি” শীৰ্ষক দহখন গ্ৰন্হ উন্মোচন কৰা হয়। উক্ত অনুষ্ঠানতেই এনাজৰী সাহিত্য-সংস্কৃতি গোষ্ঠীয়ে২০২২বৰ্ষৰ এনাজৰী বঁটা প্ৰদান কৰে গোৱালপাৰাৰ অন্না দেৱীক।
আনহাতে হোজাইৰ লংকাৰ মৃণালী শইকীয়াক সাহিত্য প্ৰেৰণা বঁটা,যোৰহাটৰ ময়ূৰী শৰ্মা গোস্বামীক সমন্বয় কবি বঁটা প্ৰদান কৰে। যোৰহাটৰ ন-বৰা মহিলা সাংস্কৃতিক গোষ্ঠীৰ শিল্পীবৃন্দৰ গুৰু বন্দনাৰে শুভাৰম্ভ আৰু যোৰহাট জগন্নাথ বৰুৱা মহাবিদ্যালয়ৰ বুৰঞ্জী বিভাগৰ মুৰব্বী অধ্যাপক ড° ইন্দ্ৰেশ্বৰ দাসে উদ্ধোধন কৰা অনুষ্ঠানত লৱনু শইকীয়া,সীতা দেৱী,নিকুঞ্জ মহন্ত চুতীয়া,অৰ্চনা বৰা, ৰীণা হাজৰিকা,দীপ্তি বুঢ়াগোহাঁই বৰুৱা,লক্ষীৰাম দুৱৰা দাস,দীপালী শইকীয়া গগৈ,মীণাক্ষী দাস বৰুৱা,নিৰু নাথ,বীণাপাণি শইকীয়া,ৰুবী ৰঞ্জনা গগৈক বিভিন্ন শিতানত বঁটা প্ৰদান কৰাৰ লগতে যোৰহাট জিলা কোঁচ ৰাজবংশী সন্মিলনীৰ সাধাৰণ সম্পাদক প্ৰবীৰ কুমাৰ বৰা,বাহনা মহাবিদ্যালয়ৰ অন্যতম প্ৰতিষ্ঠাপক পুতুল ভূঞা,উদ্যোগী যুৱক তথা ভাস্কৰ্য শিল্পী অবিনাশ হাজৰিকা,সমাজকৰ্মী মুনীন বৰা,যোৰহাটৰ দেৱজিত পাত্ৰ, ৰঞ্জু পূজাৰী দত্ত,টীয়কৰ স্বৰ্ণলতা বৰা বৰুৱা,ৰূপক ৰঞ্জন দত্ত,ম’হবন্ধাৰ অজিত ৰহিদাস, দেৰগাঁওৰ জয়কৃষ্ণ বৰুৱা, জীৱন দাস, বন্দনা চেতিয়া, মিনুতা মিলি দলে, দ্বিপেন বৰঠাকুৰ,বন্তি আহমেদ, গোলাঘাটৰ কাব্যশ্ৰী শইকীয়া হাজৰিকা,অপৰাজিতা নাথ আদি ভালেকেইজন সাহিত্যকৰ্মী-সমাজকৰ্মীক বিশেষভাবে সম্বৰ্ধনা জনোৱা হয়। শিৱসাগৰৰ অনুৰাধা দত্ত,দেৰগাঁওৰ জেলেহুৱাৰ ৰীতা শইকীয়া,গোলাঘাটৰ দিপ্তী নাথ,মাজুলীৰ কৌশল্যা বায়ন হাজৰিকাক দিগদৰ্শন সাহিত্য সন্মানেৰে সন্মানিত কৰা অনুষ্ঠানত অসমৰ বিভিন্ন প্ৰান্তৰ পঞ্চাশগৰাকী কবিয়ে স্ব-ৰচিত কবিতা পাঠেৰে জীপাল কৰি তোলে।