দৰিদ্ৰ হিতাধিকাৰী সকলক ৰাজ্যৰ যোগান বিভাগে যোগান ধৰা সুলভ মূল্যৰ সামগ্ৰীৰ ক’লা বজাৰ ৰোধ কৰাৰ লগতে সামগ্ৰী সমুহ সঠিক আৰু সময়মতে গ্ৰাহক সকলক যোগান ধৰাৰ ওপৰত আজি এখন সজাগতা সভা অনুষ্ঠিত হয়। বৰপেটা জিলাৰ বাঘবৰ সমষ্টিৰ অন্তৰ্গত বাঘমাৰা চৰ সমবায় সমিতিৰ কাৰ্যালয়ত অনুষ্ঠিত সজাগতা সভাত বৰপেটা জিলা সমবায় বিভাগৰ পঞ্জীয়ক কাৰ্যালয়ৰ জ্যেষ্ঠ হিচাপ পৰীক্ষক দীপেন বৰা, নৱজিৎ পাটোৱাৰী, কণিষ্ঠ হিচাপ পৰীক্ষক অনন্ত মালাকাৰ, বিৰেন চন্দ্ৰ কলিতাৰ লগতে বহু গণ্য মান্য ব্যক্তি উপস্থিত থাকে।
সমবায় সমিতিৰ সম্পাদক ৰিপুন সৰকাৰে উদ্দেশ্য ব্যাখ্যা কৰা আৰু ফজল হক চৌধুৰীৰ সভাপতিত্বত অনুষ্ঠিত সভাত সুলভ মূল্যৰ সামগ্ৰীৰ সঠিক আৰু সময়োপযোগী বিতৰণ, চোৰাং বিক্ৰী ৰোধ, সমবায় সমিতি সমুহৰ নিকা ভাৱ মূৰ্তী বজাই ৰখাৰ লগতে স্বচ্ছতা বৃদ্ধিৰ ওপৰত ভাষণ প্ৰদান কৰে জ্যেষ্ঠ হিচাপ পৰীক্ষক দীপেন বৰাই। সমবায় সমিতিখনে সন্মুখিন হোৱা বিভিন্ন সমস্যাৰ ওপৰত প্ৰাক্তন সভাপতি আজমল হক ফকিৰ, নুৰ মহম্মদ আলী, সমাজকৰ্মী তাইজুদ্দিন সৰকাৰ, ছানিয়াৰা খাতুন প্ৰমুখ্যে কেইবাজন ব্যক্তিয়ে ভাষণ প্ৰদান কৰি এইবোৰ সমাধান কৰিবলৈ কৰ্তৃপক্ষক দাবী জনায়। বিভিন্ন প্ৰতিকুল পৰিস্থিতিৰ মাজতো গ্ৰাহক সকলক নিয়মীয়াকৈ চাউল যোগান ধৰি অহাত সমবায় সমিতিৰ কৰ্মকৰ্তা আৰু সঞ্চালক মণ্ডলীক প্ৰশংসা কৰে একাংশ লোকে।