সদৌ অসম আদিবাসী ছাত্ৰ সন্থা চমুকৈ আছাৰ কুমাৰীকাটা আঞ্চলিক সমিতিৰ উদ্যোগত সদ্য ঘোষিত উচ্চতৰ আৰু উচ্চ মাধ্যমিক শিক্ষান্ত পৰীক্ষাত উত্তীৰ্ণ কৃতীমান ছাত্ৰ ছাত্ৰী সকলক বিশেষ ভাৱে অভিনন্দন জনোৱা হয়৷ কুমাৰীকাটা আছাৰ মুখ্য কাৰ্যালয়ত জিচাই বাগে আঁঁত ধৰা আৰু কুমাৰীকাটা আছাৰ সম্পাদক সঞ্জীৱ বাৰাৰ সভাপতিত্বত অনুস্থিত অভিনন্দন অনুষ্ঠিত সভাত অঞ্চলটোৰ আদিবাসী সম্প্ৰদায়ৰ ৪০ গৰাকী কৃতীমান ছাত্ৰ ছাত্ৰীক ফুলাম গামোছা,মানপত্ৰ আদিৰে সম্বৰ্ধনা জনোৱা হয়৷
সভাত মুখ্য অতিথি হিচাপে উপস্থিত থাকি কুমাৰীকাটা ছোৱালী হাইস্কুলৰ প্ৰধান শিক্ষক বুদ্ধ ছেত্ৰী,অৱসৰ প্ৰাপ্ত শিক্ষক খগেন দাস পানিকাৰ লগতে আছাৰ প্ৰাক্তন শিক্ষা সম্পাদক সুশীল পিটৰ লাক্ৰাই কৃতীমান ছাত্ৰ ছাত্ৰী সকলক উদ্দেশ্যেী গঠন মূলক দিহা পৰামৰ্শ দি বক্তব্য আগবঢ়াই৷
তামুলপুৰৰ পৰা প্ৰসাদ দাস প্ৰতিবেদন