Stock Market Opening: আজি ভাৰতীয় ষ্টক মাৰ্কেটৰ আৰম্ভণিতে নিফটিৰ ২৫ হাজাৰৰ গুৰুত্বপূৰ্ণ স্তৰ অতিক্ৰম

আজি ভাৰতীয় ষ্টক মাৰ্কেটৰ আৰম্ভণিতে ভাল উত্থান দেখা গৈছে আৰু বজাৰখনে গ্ৰাহকৰ সামগ্ৰীৰ শ্বেয়াৰৰ ভাল বৃদ্ধিৰ পৰা (০.৭২ শতাংশ) সমৰ্থন লাভ কৰিছে। আজি নিফটিৰ (Stock Market Opening )সকলো ছেক্টৰেল ইনডেক্সে বৃদ্ধিৰ লগে লগে ভাল ব্যৱসায় কৰি আছে।

বজাৰ খোলাৰ লগে লগে নিফটিয়ে (nifty share price ) ২৫ হাজাৰৰ গুৰুত্বপূৰ্ণ স্তৰ অতিক্ৰম কৰিছিল। ইয়াৰ সমান্তৰালকৈ পি এছ ইউ বেংক, ফাৰ্মা, মেটেল, অটো আদি খণ্ডইও দ্ৰুত গতিত ব্যৱসায় চলাই আছে।

বিএছইৰ চেন্সেক্সৰ ( Sensex) মূল্য ২০৯.১৮ পইণ্ট বা ০.২৬ শতাংশ ভাল বৃদ্ধিৰে ৮১,৭৬৮.৭২ত আৰু এনএছইৰ নিফটিয়ে ৬৩.০০ পইণ্ট বা ০.২৫ শতাংশ সামান্য বৃদ্ধিৰে ২৪,৯৯৯.৪০ত মুকলি হয়।

বিএছই চেন্সেক্সৰ ৩০টা ষ্টকৰ ভিতৰত ২২টা ষ্টক মুকলি কৰাৰ সময়ত বৃদ্ধিৰ লগতে ইনফ’ছিছ শীৰ্ষত আছে। ইয়াৰ পিছত আছে টেক মহিন্দ্ৰা, এক্সিছ বেংক, পাৱাৰগ্ৰিড, এইচচিএল টেক, টাটা মটৰ্ছৰ শ্বেয়াৰ (tata motors shares)।

হ্ৰাস পোৱা আঠটা ষ্টকৰ ভিতৰত এম এণ্ড এম, এছিয়ান পেইণ্টছ, এইচ ইউ এল, টাইটান, আই টি চি আৰু ৰিলায়েন্স ইণ্ডাষ্ট্ৰীজৰ (Reliance Industries ) শ্বেয়াৰত আটাইতকৈ বেছি হ্ৰাস দেখা গৈছে।

বজাৰ মুকলি হোৱাৰ সময়ত এইচ ইউ এল এন এছ ইৰ (NSE) শীৰ্ষ লাভজনক হৈয়ে আছে আৰু ইয়াৰ ৫০টা শ্বেয়াৰৰ ভিতৰত ৩২টা শ্বেয়াৰ বৃদ্ধিৰ সৈতে ব্যৱসায় কৰা হৈছে, আনহাতে ১৮টা শ্বেয়াৰ হ্ৰাসৰ সৈতে ব্যৱসায় কৰি আছে।

লগতে পঢ়ক :Share Market Update: শ্বেয়াৰ মাৰ্কেটত সপ্তাহটোৰ আৰম্ভণিতে সৰ্বাধিক লোকচানৰ সন্মুখীন টাটা ষ্টীল

আজি শ্বেয়াৰ বজাৰ মুকলি হোৱাৰ পূৰ্বে বি এছ ই চেন্সেক্সৰ ( BSE Ltd ) মূল্য ১৩৩.১৭ পইণ্ট বা ০.১৬ শতাংশ বৃদ্ধিৰে ৮১,৬৯২.৭১ত ব্যৱসায় কৰা হৈছিল। ষ্টক মাৰ্কেট মুকলি হোৱাৰ পূৰ্বৰ পৰাই বজাৰখন বুলিছ (bullish) মুকলি হোৱাৰ ইংগিত পোৱা গৈছিল।

শ্বেয়াৰ বজাৰৰ মাৰ্কেট কেপত ( Market capitalization) ঘৰুৱা শ্বেয়াৰ মাৰ্কেটৰ মাৰ্কেট কেপ আছিল ৪৫৯.৯৯ লাখ কোটি টকা। আজি ইয়াত ভাল বৃদ্ধিৰ সৈতে ই ৪৬২.৮২ লাখ কোটি টকা লাভত আছে। এই সংখ্যাটো কেৱল আৰম্ভণিৰ মিনিটৰ বাবেহে।

Published by: Jebin Sultana