নৱগঠিত মৰিগাঁও পৌৰসভাৰ প্ৰথমখন বৈঠক আজি মৰিগাঁও উপায়ুক্ত কাৰ্য্যালয়ৰ সভাকক্ষত অনুষ্ঠিত হয়।বৈঠকত মৰিগাঁও পৌৰসভাৰ সৰ্বমুঠ ১১টা ৱাৰ্ডৰ নৱ-নিৰ্বাচিত ৱাৰ্ড কমিছনাৰসকলে শপতগ্ৰহন কৰে।বৈঠকৰ আৰম্ভণিতে নৱ-নিৰ্বাচিত ৱাৰ্ড কমিছনাৰ সকলক শপতবাক্য পাঠ কৰোৱা হয় ।পৰবৰ্তী কাৰ্যসূচীত সকলো সদস্যকে অসমৰ বাপতি সাহোনৰ লগত সংগতি ৰাখি এখনিকৈ ফুলাম গামোচাৰে সম্বৰ্ধনা জনোৱা হয়। লগতে মৰিগাঁও পৌৰসভাৰ নৱ – নিৰ্বাচিত সভাপতি আৰু উপ-পৌৰপতি য়েও শপত গ্ৰহণ কৰে।
আজিৰ সভাতে সৰ্বসন্মতিক্ৰমে মৰিগাঁও পৌৰসভাৰ ১ নং ৱাৰ্ডৰ ৱাৰ্ড কমিছনাৰ যোগেশ তামুলীক সভাপতি আৰু ৫ নং ৱাৰ্ডৰ ৱাৰ্ড কমিছনাৰ পিংকুমনি দাসক উপ-পৌৰপতি হিচাপে নিৰ্বাচন কৰা হয় ।