ধুনীয়া আৰু বগা দাঁতে আপোনাৰ হাঁহি বৃদ্ধি কৰাই নহয় আত্মবিশ্বাস বৃদ্ধি কৰে। কিন্তু, কিছুমান অভ্যাস আৰু খাদ্যাভ্যাসে আপোনাৰ হাঁহিটো ম্লান কৰি পেলাব পাৰে। হালধীয়া দাঁত আপোনাৰ মুখৰ সৌন্দৰ্য্য নহয়, ই আপোনাৰ দাঁতৰ স্বাস্থ্যৰ বাবেও বিপদজনক হ’ব পাৰে। (Teeth)বিশেষজ্ঞসকলৰ মতে, কিছুমান বিশেষ খাদ্য-পানীয়ই দাঁতত দাগ সৃষ্টি কৰে, যাৰ ফলত দাঁত হালধীয়া আৰু দুৰ্বল হৈ পৰে। সেই ৫টা বস্তুৱে আপোনাৰ দাঁত হালধীয়া কৰি তুলিব পাৰে আৰু সেইবোৰ খাদ্য-সামগ্ৰী এৰি দিয়াটো গুৰুত্বপূৰ্ণ।
চাহ আৰু কফিত টেনিন থাকে, যিয়ে দাঁতত দাগ সৃষ্টি কৰিব পাৰে। ই ক্ৰমান্বয়ে দাঁতৰ বগা ৰং আঁতৰাই হালধীয়া কৰি তোলে। গোটেই দিনটো চাহ বা কফি খালে দাঁতৰ ওপৰত ইয়াৰ প্ৰভাৱ আৰু বাঢ়িব পাৰে।
চোডা আৰু শীতল পানীয়ত অধিক পৰিমাণে এচিড আৰু চেনি থাকে, যাৰ ফলত দাঁতৰ বাহিৰৰ পৃষ্ঠভাগ দুৰ্বল হৈ পৰে। ইয়াৰ বাহিৰেও গাঢ় ৰঙৰ শীতল পানীয়ৰ দাঁতত দাগ পৰিব পাৰে।
ৰেড ৱাইনত টেনিন, এচিড আৰু ডাৰ্ক পিগমেণ্ট থাকে, যিয়ে দাঁতত স্থায়ী দাগ পেলাব পাৰে। ইয়াৰ অত্যধিক সেৱনৰ বাবে দাঁতৰ জিলিকনি ম্লান হৈ পৰে।
ভাৰতীয় মছলা যেনে হালধী, ধনীয়া আৰু অমিতাত ক’লা ৰং থাকে, যাৰ ফলত দাঁতত দাগ সৃষ্টি হ’ব পাৰে।
মিঠাই আৰু চকলেটত থকা চেনিয়ে বেক্টেৰিয়াক প্ৰসাৰিত কৰে, যাৰ ফলত দাঁতত গহ্বৰ আৰু দাগ পৰিব পাৰে। বেছিকৈ চেনি খোৱাৰ ফলত দাঁত দুৰ্বল হৈ হালধীয়া হৈ পৰে।