মাৰ্ঘেৰিটাত ৫০ খন বিছনা যুক্ত ক’ভিড কেয়াৰ চেণ্টাৰ সম্পূৰ্ণ ৰূপে সাজু

ৰাজ্যজুৰি দিনক-দিনে বৃদ্ধি পাই অহা ক’ভিডৰ ভয়াবহ সংক্ৰমণৰ পৰিপেক্ষিতত তিনিচুকীয়া জিলাৰ অন্তৰ্গত মাৰ্ঘেৰিটাতো মাৰ্ঘেৰিটা মহকুমাৰ প্ৰশাসনে ক’ভিড ৰোগীৰ সকলৰ বাবে সাজু কৰি তুলিছে ক’ভিড কেয়াৰ চেণ্টাৰ | মাৰ্ঘেৰিটাৰ নগৰ স্থিত ইণ্ডিয়া ক্লাৱত মাৰ্ঘেৰিটা মহকুমাৰ প্ৰশাসনে ৫০ খন বিচনা যুক্ত  ক’ভিড কেয়াৰ চেণ্টাৰটোত ক’ভিড ৰোগীসকলক ৰাখিব পৰাকৈ সাজু কৰি তুলিছে|আজিৰে পৰা এই ক’ভিড কেয়াৰ চেণ্টাৰত ক’ভিড ৰোগীসকলক  ৰাখিব পৰা যাব বুলি মহকুমাৰ প্ৰশাসনে সদৰি কৰিছে | ক’ভিড কেয়াৰ চেণ্টাৰটোত মাৰ্ঘেৰিটাৰ মহকুমাৰধিপতি সম্প্ৰীতি গোস্বামী নিজে উপস্থিত থাকি সকলোবোৰ দিশ তদাৰক কৰিছে|