অসম চৰকাৰৰ প্ৰতিভা সন্ধানী পৰীক্ষা দেওবাৰে সমগ্র অসমতে অনুষ্ঠিত হয়। তাৰে লগত সংগতি ৰাখি মৰিগাঁও জিলাৰ লাহৰীঘাট উচ্চতৰ মাধ্যমিক বিদ্যালয় পৰীক্ষা কেন্দ্ৰতো শান্তি পূর্ণ ভাৱে প্ৰতিভা সন্ধানী পৰীক্ষা সম্পন্ন হয়।
পৰীক্ষা কেন্দ্রৰ সমন্বয়ক তথা অধ্যক্ষ নুৰুল হুছেইনদেৱে দিয়া তথ্য মতে ২৬ নং কোডৰ মৰিগাঁও জিলাৰ ২৬০৬ নং লাহৰীঘাট প্ৰতিভা সন্ধানী পৰীক্ষা কেন্দ্রত ৭ খন বিদ্যালয়ৰ অষ্টম, নৱম আৰু দশম শ্রেণীৰ পৰা মুঠ ২৯৭ গৰাকী ছাত্র-ছাত্রীয়ে পৰীক্ষাত অৱতীৰ্ণ হোৱাৰ বাবে আবেদন কৰিছিল যদিও পৰীক্ষা হলত ২৭৮ গৰাকী ছাত্র-ছাত্রীয়েহে পৰীক্ষাত অৱতীৰ্ণ হৈছে। ১৯ গৰাকী ছাত্র-ছাত্রীয়ে পৰীক্ষাত অৱতীৰ্ণ হোৱা নাই।
পৰীক্ষাত অৱতীৰ্ণ হোৱা ছাত্র-ছাত্রীসকল ক্ৰমে লাহৰীঘাট HSS, কাঠনি, শিয়ালমাৰি, তিনিচুকীয়া, ধূপগুৰি, দেৱাগুৰি আৰু দাতিয়ালবড়ী হাইস্কুলৰ।
-খাইৰুল ইছলাম, লাহৰীঘাট