নামখলাৰ মহলীয়াপাৰা ৰামগাওৰ ৰাজহুৱা পুখুৰীত যুবকৰ মৃতদেহ উদ্ধাৰ।
নামখলা, দ্বীপেন ডেকা :
পশ্চিম মঙলদৈ মহলিয়াপাৰা ৰামগাওৰ জলজলী নামৰ ৰাজহুৱা পুখুৰীত মঙ্গলবাৰে ৰাতিপুৱা এক যুৱকৰ মৃতদেহ উদ্ধাৰ হয়। ৰাতিপুৱা পুখুৰীৰ ওচৰ চুবুৰীয়াই ৰাজহুৱা পুখুৰীটোৰ মাজত এটি মৃত দেহৰ কিছু অংশ প্ৰত্যক্ষ কৰি ওচৰ চুবুৰীয়াৰ লগতে এই ঘটনা সম্পৰ্কে আৰক্ষী প্ৰশাসনক জ্ঞাত কৰে। ইতিমধ্যে আৰক্ষী আহি মৃতদেহ টি উদ্ধাৰ কৰে। পুখুৰীৰ পাৰৰ পৰা এখন চাইকেলো উদ্ধাৰ কৰা হয়। মৃতদেহ টি মহলিয়াপাৰাৰে হৰেন চহৰীয়াৰ এক মাত্ৰ ওঁঠৰ বছৰীয়া পুত্ৰ ৰাজীৱ চহৰীয়া বুলি চিনাক্ত কৰা হৈছে। উদ্ধাৰ হোৱা চাইকেল খন মৃত ৰাজীৱ চহৰীয়া ৰ বুলি চিনাক্ত কৰা হৈছে। মৃত্যু কাৰন এতিয়া লৈকে জানিব পৰা হোৱা নাই। প্ৰশাসনৰ উচিত তদন্তৰ পিচতহে গম পোৱা হব এইটো আত্মাহত্যা নে হত্যাকাণ্ড। কৰোনা আতংক লগতে দেশত চলি থকাৰ পঞ্চম লকডাউনৰ মাজতে গাওঁৰ মাজৰ পুখুৰীত এই দৰে এখনঘৰৰ এক মাত্ৰ লৰা এজনৰ মৃতদেহ উদ্ধাৰ হোৱা ঘটনাই মহলীয়াপাৰা অঞ্চলত আতংক ময় পৰিবেশন সৃষ্টি কৰিছে। ইতিমধ্যে আৰক্ষী প্ৰশাসনে মৃতদেহ মৰনোত্তৰ পৰীক্ষাৰ বাবে যাবতীয় ব্যৱস্থা গ্ৰহণ কৰিছে আৰু তদন্ত আৰম্ভ কৰিছে। আৰক্ষীৰ তদন্ত আৰু মৰনোত্তৰ পৰীক্ষাৰ ফলাফলে এয়া হত্যাকাণ্ড নে আত্মা হত্যাৰ ঘটনা সেয়া পৰবৰ্তী সময়ত হে জনা যাব।
