সৌন্দৰ্য চৰ্চাৰ ক্ষেত্ৰখনত বৰ্তমান সময়ত যুৱক-যুৱতীসকলৰ আকৰ্ষণ বৃদ্ধি পাবলৈ ধৰিছে । তাৰ মাজতে এই জগতখনত একাংশ যুৱক-যুৱতীয়ে স্বকীয় প্ৰতিভাৰে উজ্বলি উঠিছে । তেনে এগৰাকী যুৱক হ’ল তিনিচুকীয়াৰ বিতোপন দত্ত । ফেছন জগতখনত খোজ দিয়া তিনিচুকীয়াৰ বৰদলৈ নগৰৰ বাসিন্দা বিতোপনে শেহতীয়াকৈ লাভ কৰিছে ‘Mr Teen Assam 2021’ৰ খিতাপ ।
অভিলেষ কলিতা আৰু ইফটিক বৰাৰ নেতৃত্বত গামোচা এণ্টাৰটেইনমেণ্ট আৰু আইবি প্ৰডাকছনৰ সৌজন্যত অনুষ্ঠিত ফেছন প্ৰতিযোগিতাত এই খিতাপ লাভ কৰিবলৈ সক্ষম হৈছে বিতপনে । অনাগত দিনত এই ক্ষেত্ৰখনত আগবাঢ়ি যাবলৈ এনেধৰণৰ সফলতাই যথেষ্ট উৎসাহ যোগাব বুলি মন্তব্য কৰিছে বিতোপনে ।
আমিও বিতোপনলৈ যাচিলোঁ শুভেচ্ছা ।
আব্দুল লতিফ