বিশ্বনাথ জিলাখনত ৰাষ্ট্ৰীয় ঘাই পথ নিৰ্মাণত বিসংগতি ৰাইজৰ অভিযোগ ।উল্লেখ্য যে বিশ্বনাথৰ লগতে বিহালীৰ বৰগাঙৰ পৰা বেদেতীলৈকে নিৰ্মাণ হৈ থকা ৰাষ্ট্ৰীয় ঘাই পথছোৱাত ডিভাইদাৰৰ মাজত মাটি ভৰোৱাৰ বিপৰীতে শিল -বালিৰে পৰিপূৰ্ণ কৰিছে ডিভাইদাৰৰ খালি ঠাইখিনি !সচেতন ৰাইজৰ অভিযোগ ডিভাইদাৰৰ মাজত মাটি থাকিলেহে গছ ৰোপন কৰিব পাৰিব ‘আৰু বালি শিল থাকিলে সেই গছ সহজতে মৰি যোৱাৰ সম্ভৱনা থাকে।মাজৰ অংশত গছ নেথাকিলে লাইটৰ বাবে গাড়ী চালক সকলো অসুবিধাত পৰিব পাৰে ‘যাৰ বাবে অঘটন সংঘটিত হোৱাৰ আশংকা থাকে –এনে কাৰণত পথ নিৰ্মাণকাৰী সংস্থা ডি চি চিয়ে নিজৰ মইমতালিৰে কাম কৰাৰ অভিযোগ ৰাইজৰ!তদুপৰি জিলাখনৰ পথ চোৱাই বিভিন্ন সময়ত জলা কলা খোৱাই আহিছে যাত্ৰী সকলক।
কেতিয়া নিৰ্মাণ কাৰ্য সম্পুৰ্ণ হ’ব তাকলৈও চিন্তিত জনসাধাৰণ ।এনেবোৰ কাৰণত ৰাইজৰ প্ৰশ্ন ? পথ নিৰ্মাণকাৰী সংস্থাৰ উদ্ধতম পক্ষ এন ‘এইছ আই:ডি চি এল (NHIDCL)ৰ পথ নিৰ্মাণত দৃষ্টি ৰখাৰ প্ৰয়োজন আছিল ? যদি উদ্ধতম পক্ষই গুৰুত্ব দিবলৈ সময় নাই পৰিপ্ৰেক্ষিতত সচেতন ৰাইজে বিশ্বনাথ উপায়ুক্তৰ হস্তক্ষেপৰ দাবী জনাইছে যাতে শীঘ্ৰে পথটি নিৰ্মাণত বিসংগতি মুক্ত হয় ।