ৰাতিপুৱা গাখীৰ চাহ নোখোৱাকৈ দিনটো আৰম্ভ নহয়। অফিচৰ কামৰ মাজতেই হওক বা সন্ধিয়া আড্ডা দিয়াৰ সময়তেই হওক, গাখীৰ চাহ একাপ খাই সকলোৱে ভাল পাই। আনহাতে বেছিভাগ মানুহৰে প্ৰথম পছন্দ হৈছে ‘বেড টি’। মানে চকু মেলিয়ে চাহৰ চুমুক দিব। নহলে আকৌ টোপনি নাহে। বহুতেই ক’লা চাহতকৈ গাখীৰ চাহৰ অনুৰাগী।
ৰাতিপুৱা সাৰ পোৱাৰ পিছত খালী পেটত গাখীৰৰ চাহ খোৱাটো একেবাৰেই স্বাস্থ্যকৰ নহয়। চাহ খোৱাৰ সময়ত কেনেকৈ খোৱা হয় সেয়াও গুৰুত্বপূৰ্ণ। আমি সকলোৱে জানো যে গাখীৰৰ চাহ খোৱাটো ভাল নহয়। কিন্তু মনটোৱে সেইটো মানি ল’ব নিবিচাৰে। প্ৰতিদিনে খালী পেটত গাখীৰৰ চাহ খালে শৰীৰত পানীৰ অভাৱ হ’ব পাৰে। গাখীৰ চাহ খোৱাৰ ফলত হাৰ্টবাৰ্ণৰ সমস্যা বৃদ্ধি পাব। গাখীৰত ভিটামিন বি ১২ আৰু ভিটামিন চি থাকে। যদি কেৱল গাখীৰ খোৱা হয়, তেন্তে এই দুটা ভিটামিন শৰীৰৰ বাবে অতি উপকাৰী। কিন্তু যদি গাখীৰ চাহ খোৱা হয়, তেন্তে এই দুটা ভিটামিনৰ পুষ্টিকৰ মূল্য হেৰাই যায়।
আনহাতে খালী পেটত গাখীৰৰ চাহ খালে পেপটিক আলচাৰ হোৱাৰ সম্ভাৱনা বহু পৰিমাণে বৃদ্ধি পায়। গাখীৰ চাহ মানেই চেনি যোগ কৰি সোৱাদ বৃদ্ধি কৰা। সমস্যাটো হ’ল এই চেনি শৰীৰৰ বাবে একেবাৰেই ভাল নহয়। নিয়মিতভাৱে মিঠা গাখীৰৰ চাহ খালে তেজৰ চেনি বৃদ্ধি হোৱাটো নিশ্চিত। ডায়েবেটিছ ৰোগীয়ে এনে চাহ খাব নালাগে।
চাহত থকা টেনিনে দাঁতত দাগ পেলাব পাৰে। ৰাতিপুৱা সোনকালে খালী পেটত চাহ খালে শৰীৰৰ বিষাক্ত পদাৰ্থ কম হোৱাৰ পৰিৱৰ্তে বৃদ্ধি পাব পাৰে।১ গিলাচ পানী খাই তাৰ পিছত চাহ একাপ চুমুক দিব। খালী পেটত গাখীৰ-চাহ খালে পোনপটীয়াকৈ পেটত প্ৰভাৱ পৰে। ফলত পাচনতন্ত্ৰৰ সমস্যা, কোষ্ঠকাঠিন্য, পেটৰ বিষ অতি সোনকালে দেখা দিব।