উজনি-মাজুলী : উজনি মাজুলী ফুলনি আৰক্ষী চকীৰ অন্তৰ্গত কোটাই নাহৰণিৰ নিৱাসী দুলাল বৰাৰ পুত্ৰ নিত্যানন্দ বৰা ( ৪৮) নামৰ লোকজন পানীত পৰি অকাল মৃত্যুক সাৱতি লয় ৷ ঘটনা অনুসৰি কালি সন্ধ্যা ঘৰৰ পৰা কিবা কাম থকা বুলি ওলাই যোৱা লোকজন বহু নিশালৈকে ঘৰলৈ নহাত কোনো পৰিয়ালৰ লোকে নিশা বিচাৰিও কোনো খবৰ নাপালে ৷ ৰাতিপুৱা বিচাৰিম বুলি আছিল যদিও ৰাতিপুৱা স্থানীয় লোকে শুকানসুঁতি নৈত এখন খালি নাঁওসহ উপঙি থকা অৱস্থাত এটি মৃতদেহটো প্ৰত্যক্ষ কৰে ৷ আৰক্ষীক দিয়া খবৰৰ ভিত্তিত ঘটনা স্থলীত ফুলনি আৰক্ষী চকীৰ বিষয়া উৎপল দাস সহ এটি আৰক্ষীৰ দল উপস্থিত হৈ মৃতদেহ টো পানীৰ পৰা পাৰলৈ আনে ৷ আৰক্ষী বিষয়া জনে আমাক এই মৃত্যু সম্পৰ্কত প্ৰাৰম্ভিক অনুসন্ধান আৰম্ভ কৰা বুলি জানিবলৈ দিয়াৰ লগতে ইতিমধ্যে মৃহদেহটো মৰনোত্তৰ পৰীক্ষাৰ বাবে ডিব্ৰুগড় চিকিৎসা মহাবিদ্যালয়লৈ পঠোৱা বুলি জনাই ৷ মৃত্যুৰ সময়ত লোকজনে পত্নী সহ এজন পুত্ৰ আৰু দুগৰাকী কন্যা আত্মীয় স্বৰ্জনক এৰিথৈ যায় ৷
