নগাঁৱৰ জাজৰি আৰু আলিটাঙনিত বন বিভাগৰ অভিযানত চোৰাং কাঠ ফলা মিল সহ জেনেৰেটৰ জব্দ ৷

 নগাঁও : নগাঁও বন সংমণ্ডল বিষয়া ৰাজেন চৌধুৰীৰ নিদ্দেশ মৰ্মে সদৰ বনাঞ্চলিক বিষয়া জয়ন্ত গোস্বামীৰ  নেতৃত্বত যোবা এটি দলে আজি জিলা খনৰ জুৰীয়া আলিটাঙনিত দুটাকৈ চোৰাং কাঠ ফলা মিলত অভিযান চলাই এটা মিলৰ পৰা এটা কাঠ ফলা মেচিন আৰু আন এটাৰ মিলৰ পৰা এটা জেনেৰেটৰ চেট জব্দ কৰিবলৈ সক্ষম হয় ৷ দিৰ্ঘদিন ধৰি জুৰীয়া আলিটাঙনি অঞ্চলত চোৰাং কাঠ ফলা কামত জড়িত হৈ থকা চাইদুল ইছলাম আৰু আনোৱাৰ হুছেইন নামৰ লোক দুজনে এনেদৰে চোৰাংকৈ এই দুটা কাঠ ফলা মিল চলাই আহিছিল ৷ এক গুপন সূত্ৰৰ পমখেদি বন বিভাগে আজি অভিযান চলাই এই দুই ব্যক্তিৰ অবৈধ কাঠ ফলা মিল দুটাৰ সামগ্ৰী সমূহ জব্দ কৰিবলৈ সক্ষম হয় ৷ আনহাতে,নগাঁও বন বিভাগৰ প্ৰটেকচন শাখাৰ বনাঞ্চলিক বিষয়া চেমিম আখতাৰৰ নেতৃত্বত যোবা এটি দলে জাজৰিৰ পৰা এটা চোৰাং কাঠ ফলা মিল সহ এটা জেনেৰেটৰ চেট জব্দ কৰিবলৈ সক্ষম হয় ৷ দিৰ্ঘদিন ধৰি জাজৰিত এনেদৰে অবৈধ ভাবে চোৰাং কাঠ ফলা কামত জড়িত হৈ থকা মিলটো চলাই আহিছিল ধন ওৰফে কলিয়া দুৱৰা নামৰ লোকজনে ৷ অৱশ্যে বন বিভাগৰ অভিযানৰ সময়ত কাঠ ফলা মিল কেইটাৰ এজনো গৰাকীক বন বিভাগৰ লোকে আটক কৰিব নোবাৰিলে ৷