বৰপেটা জিলাৰ ৪৬ নং সৰুক্ষেত্ৰী বিধানসভা সমষ্টিৰ অন্তৰ্গত কয়াকুছি সমন্বয় সাহিত্য গোষ্ঠীৰ কাৰ্যালয়ত কালি উপস্থিত হয় ইলোৰা বিজ্ঞান মঞ্চৰ কেন্দ্ৰীয় সমিতিৰ এটি সজাতি দল । সজাতি দলটোৱে ইতিমধ্যে ইলোৰা বিজ্ঞান মঞ্চৰ কয়াকুছি শাখাৰ সম্পাদক ছাহেদ আলী আহমেদে হৃদৰোগত আক্ৰান্ত হৈ গুৱাহাটী জিএমচিএইচ চিকিৎসা মহাবিদ্যালয়ত চিকিৎসাধীন হৈ বৰ্তমান ঘৰত থকা অাহমেদৰ স্বাস্থ্যৰ বুজ লয়। বিভিন্ন সামাজিক কামৰ লগত জড়িত ছাহেদ আলী আহমেদক আৰ্থিক সকাহ দিয়াৰ বাবে ইলোৰা বিজ্ঞান মঞ্চৰ তৰফৰ পৰা ৫৯,১০০(উনষাঠি হাজাৰ একশ)টকাৰ এখন চেক্ প্ৰদান কৰে । এই কাৰ্যসূচীত ক্ৰমে ইলোৰা বিজ্ঞান মঞ্চৰ কেন্দ্ৰীয় সমিতিৰ সদস্য মুকুট মণি দাস¸ কোষাধ্যক্ষ বাসুদেৱ দাস, বাগোদীৰ বিষয় শিক্ষক মতলেপ উদ্দিন ¸ ৰাইজৰ দলৰ বৰপেটা জিলা আহ্বায়ক আব্দুল জলিল, চিপিআইএমৰ কয়াকুছি লোকেল কমিটিৰ সম্পাদক পিয়াৰুল ইছলাম, বিশিষ্ট শিক্ষাবিদ নুৰুল হক, ইলােৰা বিজ্ঞান মঞ্চ কয়াকুছি শাখাৰ সভাপতি জয়নাল আবেদিন আহমেদ ¸ শাখাৰ সহকাৰী সম্পাদক নুৰ হোছেইন¸ আজীৱ সদস্য তথা ভৱানীপুৰ আঞ্চলিক মহাবিদ্যালয়ৰ ইতিহাস বিভাগৰ অধ্যাপক আব্দুছ ছাত্তাৰ চৌধুৰী, আজীৱন সদস্য ছিদ্দিকুৰ ৰহমান ¸ সদস্য মনিৰ উদ্দিন অাহমেদ ¸ বৰপেটা জিলা সাহিত্য সন্মিলনীৰ সভাপতি সেখ ৰহমতুল্লা, আজীৱন সদস্য তথা উৰ্মিমালা মণ্ডল সংগঠনৰ সভানেত্ৰী হামিদা খাতুন ¸ কলগাছিয়াৰ মহিলা নেতৃ হাছিনা আহমেদ ¸ৰাইজৰ দলৰ সম্পাদক মনিৰুজ জামান ¸ ৰাইজৰ দলৰ সৰুক্ষেত্ৰীৰ নেতা মনিৰ উদ্দিন ¸ সৰভোগ বৰনগৰ কলেজৰ অধ্যাপক ড০ জেহেৰুল ইছলাম ¸ অধ্যাপক মইদুল ইছলাম ¸ কয়াকুছি মহাবিদ্যালয়ৰ অধ্যাপক ড০ হান্নান আলী আহমেদ ¸ অধ্যাপক ছাদেক আলী আহমেদ ¸ কয়াকুছি কুৰিহা ছিনিয়ৰ মাদ্ৰাছাৰ শিক্ষক সাজিম উদ্দিন আহমেদ ¸ সম্প্ৰীতি সাহিত্য মঞ্চৰ সভাপতি শিক্ষক প্ৰদীপ কুমাৰ দাসকে আদি কৰি বহুকেইজন বিশিষ্ট ব্যাক্তি উপস্থিত থাকে ।
সাংবাদিক তথা ইলোৰা বিজ্ঞান মঞ্চৰ কয়াকুছি শাখাৰ সম্পাদক ছাহেদ আলি আহমেদৰ চিকিৎসা সাহায্যৰ বাবে সংগৃহীত মুঠ ধন আছিল ৫৯,১০০ টকা ইলোৰা বিজ্ঞান মঞ্চৰ কোষাধ্যক্ষ ডঃ বাসুদেৱ দাস আৰু কেন্দ্ৰীয় কমিটিৰ সদস্য মুকুটমণি দাসে ৮ মে’ত কয়াকুছিলৈ গৈ মঞ্চৰ শাখা কাৰ্যালয়ত সংগৃহীত পুঁজিৰ চেক্ খন ছাহেদ আলি আহমেদৰ হাতত আৰু তেওঁৰ পৰিয়াল তথা স্থানীয় ৰাইজৰ উপস্থিতিত আনুষ্ঠানিকভাৱে প্ৰদান কৰি এক বিবৃতিত জনায় যে ¸ ইলোৰা বিজ্ঞান মঞ্চই ছাহেদৰ পৰিয়ালবৰ্গ আৰু ৰাইজে বিজ্ঞান মঞ্চৰ উদ্যোগ আৰু মানৱদৰদী সদাশয় দাতাসকলৰ প্ৰতি ধন্যবাদ আৰু কৃতজ্ঞতা জ্ঞাপন কৰিছে ।
অনুষ্ঠানত সৰুক্ষেত্ৰী সমষ্টিৰ প্ৰাক্তন বিধায়ক আলি হুছেইন আৰু ভালেসংখ্যক বিশিষ্ট নাগৰিক উপস্থিত থকাত ইলোৰা বিজ্ঞান মঞ্চই আন্তৰিক ধন্যবাদ জনায় । সম্প্ৰতি ইলোৰা বিজ্ঞান মঞ্চৰ এই কাৰ্যত বিভিন্ন জনে শলাগ লয় । স্মৰ্তব্য যে, মঞ্চৰ লক্ষ্য আৰু উদ্দেশ্য সফল কৰাৰ বাবে সচেতন ব্যক্তি সকলক আগুৱাই আহিবলৈ সজাতি দলটোৱে আহ্বান জনায় । ইলোৰা বিজ্ঞান মঞ্চৰ এনে মহানুভৱতাক ছাহেদ আলী আহমেদৰ লগতে তেখেতৰ সহধৰ্মিনী ছানিয়াৰা আহমেদ ¸ জ্যেষ্ঠ ভাতৃ পিয়াৰুল ইছলাম আহমেদ ¸ কনিষ্ঠ ভাতৃ চান মামুদ আহমেদে পৰিয়ালৰ হৈ আন্তৰিক কৃতজ্ঞতা জ্ঞাপন কৰিছে । অনুদান গ্ৰহণ কৰি ছাহেদ আলী আহমেদে কয় যে ¸ এনে মহানুভৱতাই মানুহক জীয়াই থাকিবলৈ প্ৰেৰণা দিয়ে আৰু অধিক সামাজিক কাম-কাজ কৰিবলৈ দায়বদ্ধ কৰি তুলে । তেওঁ আগন্তুক দিনত প্ৰেৰণা পুথিভঁৰাল ¸ সমন্বয় সাহিত্য গোষ্ঠী আৰু সাহেব এণ্ড ছনছ্ চেৰিটেবল’ ফাউণ্ডেশ্বনৰ উদ্যোগত নাইটিংগেল অৰফানচ্ এণ্ড মাদাৰ টেৰেছা অ’ল্ড এজ হোম পৰিচালনা কৰি আৰু অধিক সামাজিক কামত দায়বদ্ধতাৰে আগবাঢ়ি যাব বুলি উপস্থিত সকলোৰে আগত নিজৰ মত ব্যক্ত কৰে ।