দৰঙৰ দলগাও শিয়ালমাৰী উন্নয়ন খণ্ডৰ অন্তৰ্গত গাওঁ পঞ্চায়ত সমুহত চৰকাৰী আচনিৰ নামত চলিছে কেৱল নাম ফলক। আচনিৰ নামত কেৱল নাম ফলক আৰিয়েই লাখ লাখ টকা লুণ্ঠন চলোৱাৰ অভিযোগ স্থানীয় ৰাইজৰ। উল্লেখ্য যে দৰঙৰ দলগাও শিয়ালমাৰী উন্নয়ন খণ্ডৰ অন্তৰ্গত কৌপাটি গাওঁ পঞ্চায়তত আচনিৰ নামত সংঘটিত হৈছে এই ব্যাপক দুৰ্নীতি অনিয়ম। গ্ৰামাঞ্চলৰ উন্নীতকৰণৰ স্বাৰ্থত বিভাগীয় কৰ্তৃপক্ষই বৃহৎ পৰিমাণৰ ধন আবন্টন দিয়ে যদিও তাৰে অধিকাংশ ধন বিভাগীয় কৰ্মচাৰীৰ সহযোগত পঞ্চায়ত প্ৰতিনিধিয়ে আত্মসাত কৰাৰ অভিযোগ উত্থাপিত হৈছে গাওঁ পঞ্চায়ত খনত।গাওঁ পঞ্চায়ত খনত কেৱল কাগজ কলমতহে ৰূপায়িত হৈ আছে চৰকাৰী আচনিৰ কাম কাজ। অভিযোগ অনুসৰি কৌপাটি গাওঁ পঞ্চায়তখনৰ অন্তৰ্গত এগ্ৰীল বান্ধ ফ্ৰম দিজেন বৰুৱা এগ্ৰিল লেণ্ড টু মনিন্দ্ৰ ডেকা এগ্ৰীল লেণ্ড 2020-21 বৰ্ষৰ এম জি এনৰেগা আচনিৰ অধীনত বিভাগীয় কৰ্তৃপক্ষই ৭,৮৮,৫৮৮ টকা আবন্টন দিয়ে । উক্ত আচনিৰ কাম নকৰি সমুদায় ধন আত্মসাৎ কৰাৰ অভিযোগ উত্থাপিত হৈছে । কেৱল সেইটোৱেই নহয় গাওঁ পঞ্চায়ত খনত ৰূপায়িত হোৱা ২০১৭-১৮ বৰ্ষ,২০১৯-২০,২০২০-২১ বৰ্ষত এমজিএনৰেগা, চতুৰ্দশ বিত্তীয় আচনিৰ নামত সংঘটিত হৈছে ব্যাপক দুৰ্নীতি। বিভাগীয় কৰ্তৃপক্ষই আবন্টন দিয়া এমজিএনৰেগা, চতুৰ্দশ বিত্তীয় আচনিৰ কামত ব্যাপক দুৰ্নীতি সংঘটিত হোৱাৰ অভিযোগ উত্থাপিত হৈছে । বিভাগীয় কৰ্তৃপক্ষই উক্ত গাওঁ পঞ্চায়ত খনত পথ নিৰ্মাণৰ নামত লাখ লাখ টকা আবন্টন দিছে যদিও উক্ত কাম সমুহ চৰকাৰী প্ৰাক:কলনক জলাঞ্জলি দি ৰূপায়ণ কৰাৰ অভিযোগ । তাৎপৰ্যপূৰ্ণ কথা হল গাওঁ পঞ্চায়ত খনত ৰূপায়িত হোৱা আচনি সমুহৰ বিল প্ৰতি মুটা অংকৰ কমিচনলৈ বিভাগীয় কৰ্মচাৰীয়ে কামৰ তদন্ত নকৰি ওলিয়াই দিয়ে লাখ লাখ টকা ।গাওঁ পঞ্চায়তৰ সদস্য সচিব,জিআৰএছ,এক্ৰিকেটেড ইঞ্জিনীয়াৰ, কণিষ্ঠ অভিযন্তাৰ পৰা আৰম্ভ কৰি সকলোৰে পকেটত সোমায় বিলৰ প্ৰতি কমিচন লোৱা ধন । যাৰ ফলত গাওঁ পঞ্চায়ত খনত আচনি ৰূপায়নৰ নামত সংঘটিত হৈছে ব্যাপক দুৰ্নীতি।এতিয়া প্ৰশ্ন হয় দুৰ্নীতিৰ বিৰুদ্ধে শূণ্যসহনশীলতাৰ কথা কোৱা হিমন্ত বিশ্ব শৰ্মাৰ চৰকাৰে বন্ধ কৰিব পাৰিবনে দলগাও শিয়ালমাৰী উন্নয়ন খণ্ডৰ কাৰ্যালয়ৰ অধীনৰ গাওঁ পঞ্চায়ত সমুহত চলি থকা ব্যাপক দুৰ্নীতি অনিয়ম ।
