ভাৰতীয় চিকিৎসা সংস্থাই বৰ্তমান ক’ভিড-১৯ আক্ৰান্তৰ সংখ্যা বৃদ্ধিৰ ৩টা কাৰণ প্ৰকাশ কৰিছে…।দেশত বৰ্তমান কৰ’না আক্ৰান্তৰ সংখ্যা বৃদ্ধি পোৱাৰ তিনিটা কাৰণৰ ফ্লেগ কৰিছে ভাৰতীয় চিকিৎসা সংস্থাই। ইয়াত কোৱা হৈছে যে “ক’ভিড-১৯ৰ উপযুক্ত আচৰণৰ শিথিলতা, কম পৰীক্ষাৰ হাৰ আৰু ক’ভিড-১৯ৰ নতুন ভিন্নতাৰ উত্থানৰ বাবে” সংক্ৰমণ বৃদ্ধি পাইছে। সোমবাৰে ভাৰতত নতুনকৈ সংক্ৰমণৰ সংখ্যা প্ৰায় ১০% বৃদ্ধি পালে।
যোৱা কেইদিনমানৰ পৰা ভাৰতত Covid-19 ৰোগীৰ সংখ্যা বৃদ্ধি পাই আহিছে, সেয়েহে স্বাস্থ্য মন্ত্ৰালয়ে চিকিৎসালয়ৰ প্ৰস্তুতিৰ মূল্যায়নৰ বাবে ১০ আৰু ১১ এপ্ৰিলত দেশজোৰা মক ড্ৰিল ঘোষণা কৰে। কেৰালা, মহাৰাষ্ট্ৰ, দিল্লীকে ধৰি ভাৰতৰ মুঠ আঠখন ৰাজ্যত কৰ’না ভাইৰাছৰ সংক্ৰমণৰ সংখ্যা অধিক।সোমবাৰে কেন্দ্ৰীয় স্বাস্থ্য মন্ত্ৰালয়ে প্ৰকাশ কৰা অনুসৰি যোৱা ২৪ ঘন্টাত দেশত ৫,৮৮০ জন নতুনকৈ কভিড-১৯ ৰোগীৰ ৰিপৰ্ট পোৱাৰ লগে লগে মুঠ সক্ৰিয় ৰোগীৰ সংখ্যা ৩৫১৯৯ লৈ বৃদ্ধি পাইছে।
ভাৰতত প্ৰতি ৪-৫ দিনৰ মূৰে মূৰে কভিড-১৯ সংক্ৰমণৰ সংখ্যা দুগুণলৈ বৃদ্ধি পাইছে আৰু ইয়াৰ ফলত এতিয়া প্ৰতিদিনে ৫ হাজাৰৰো অধিক। বিজ্ঞানীসকলে কয় যে ক’ৰ’না ভাইৰাছৰ XBB.1.16 ভেৰিয়েণ্টেই বৰ্তমান ৰোগীৰ সংখ্যা বৃদ্ধিৰ বাবে দায়ী। কিন্তু, সংক্ৰমণ মৃদু প্ৰকৃতিৰ বুলি কোৱা হৈছে আৰু ইয়াৰ ফলত চিকিৎসালয়ত ভৰ্তি হোৱাৰ হাৰ বৃদ্ধি নহ’বও পাৰে কাৰণ ভাৰতীয়সকলে টিকাকৰণ আৰু ৰোগৰ প্ৰাকৃতিক সংস্পৰ্শৰ বাবে হাইব্ৰিড ইমিউনিটি গঢ়ি তোলাৰ সম্ভাৱনা আছে।কিন্তু বহু মানুহ থকা ঠাইত মাস্ক পৰিধান কৰি টিকাকৰণৰ মাত্ৰা সম্পূৰ্ণ কৰিবলৈ আহ্বান জনাইছে।