বাংগালুৰুত ৰহস্যজনক ভাৱে মৃত্যু নগাঁৱৰ যুৱতীৰ

নগাঁও :  বাংগালুৰুত কৰ্মৰত নগাঁৱৰ এগৰাকী যুৱতীৰ মৃতদেহ উদ্ধাৰ হোৱা ঘটনাক লৈ চাঞ্চল্য সৃষ্টি হৈছে। এয়াৰ এচিয়া নামৰ বিমান পৰিবহণ সংস্হাত কৰ্মৰত ২৫ বছৰীয়া এই যুৱতীগৰাকীৰ নাম পৰিণীতা বৰা। নগাঁও চহৰৰ পানীগাঁও ছয়আলি নিবাসী প্ৰয়াত শৰৎ বৰা আৰু ৰীতা বৰাৰ একমাত্ৰ কন্যা পৰিণীতা বৰাৰ ৰক্তাক্ত মৃতদেহ মহানগৰখনৰ এটা ঘৰৰ  বন্ধ কোঠাৰ ভিতৰত উদ্ধাৰ হয়। এবছৰ পূৰ্বে  পৰিণীতাৰ পিতৃৰ মৃত্যু ঘটিছিল। কি পৰিস্হিতিত যুৱতীগৰাকীৰ  মৃত্যু ঘটিল সেয়া পোহৰলৈ অহা নাই। যুৱতীগৰাকীৰ মৃত্যুৰ খৱৰ পাই পৰিয়ালৰ মাজত হাহাকাৰ সৃষ্টি হৈছে। বাংগালুৰুৰ আৰক্ষীয়ে এই সম্পৰ্কত তদন্ত আৰম্ভ কৰিছে বুলি জানিব পৰা গৈছে।