মুক্তি পালে ছবি OMG 2 ৰ নতুন পোষ্টাৰ। শিৱৰ ৰূপত অক্ষয় কুমাৰ। পোষ্টাৰ দেখি অনুৰাগীয়ে ক’লে – হৰ হৰ মহাদেৱ। মুক্তি লাভ কৰিলে অক্ষয় কুমাৰৰ বহু প্ৰত্যাশিত ছবি ‘OMG 2’ৰ নতুন পোষ্টাৰ। এই পোষ্টাৰত কুমাৰক ভগৱান শিৱৰৰ ৰূপত দেখা গৈছে। অভিনেতাগৰাকীয়ে এই পোষ্টাৰখন ছ’চিয়েল মিডিয়াত শ্বেয়াৰ কৰাৰ লগে লগে তেওঁৰ শিৱৰ ৰূপত অক্ষয়ক দেখি অনুৰাগীসকল আপ্লুত হৈ অহৰহ মন্তব্য আগবঢ়াইছে। এই পোষ্টটোত অক্ষয় কুমাৰৰ ভগৱান ভোলেনাথৰ এই ৰূপটোৱে অনুৰাগীৰ মন জয় কৰিছে। ইয়াৰ উপৰিও অক্ষয় কুমাৰে ছ’চিয়েল মিডিয়াত আন এটা পোষ্টাৰ শ্বেয়াৰ কৰিছে। এই পোষ্টাৰত দেখা গৈছে পংকজ ত্ৰিপাঠীক। এই পোষ্টাৰখন শ্বেয়াৰ কৰি অক্ষয় কুমাৰে লিখিছে- ‘আহক সত্যৰ পথত লগ হওঁ’।
অহা ১১ আগষ্টত মুক্তি পাব ‘OMG 2’ ছবিখন। এই ছবিখনত অক্ষয় কুমাৰৰ উপৰিও পংকজ ত্ৰিপাঠী আৰু যমী গৌতমে মুখ্য চৰিত্ৰত অভিনয় কৰিছে। খবৰ অনুসৰি এই ছবিখন শিক্ষা ব্যৱস্থাৰ ওপৰত আধাৰিত হ’ব। এই ছবিখনৰ যৌথ প্ৰযোজনা কৰিছে বিপুল শ্বাহ, ৰাজেশ শ্বাহ আৰু অশ্বিন বৰ্ডে আৰু স্বয়ং অক্ষয় কুমাৰে। আনহাতে ছবিখনৰ পৰিচালনা কৰিছে অমিত ৰায়ে। ‘OMG 2’ ৰ উপৰি ১১ আগষ্টত মুক্তি পাব ‘গাদৰ ২’ ছবিও। গতিকে বক্স অফিচত এক বৃহৎ সাফল্য হ’বলৈ গৈ আছে। এতিয়া চাব লাগিব কোনখন ছবি বক্স অফিচত সফল হ’ব।
