দৰঙৰ পৰা জয়দেৱ ডেকা ৷
দৰঙৰ ছিপাঝাৰ প্ৰথমিক স্বাস্থ্যকেন্দ্ৰত কোৱাৰেইন্টাইনত থকা দুগৰাকী লোক কোভিদ-১৯ ত আক্ৰান্ত ৷ যোৱা ২৮ মে’ তাৰিখে সৰু সজাই কোৱাৰেন্টাইন কেন্দ্ৰৰ পৰা পলাই অহা কোভিদ আক্ৰান্ত দৰঙৰ বেচিমাৰীৰ নিজামুদ্দিনৰ লগত জালুকবাৰীৰ পৰা এ এচ ০১-এইচ চি -৮৭২৭ নম্বৰৰ চুইফট ডিজায়াৰ খনত খাৰুপেটীয়াৰ কোভি’ড আক্ৰান্ত আমিন আলি আৰু ফৰচিদ আলি নামৰ লোক দুজন দৰঙলৈ আহিছিল ৷ দৰং আৰক্ষীয়ে গোপন সূত্ৰৰ পম খেদি গাড়ীসহ আটাইকেইজনকে আটক কৰি নিজামুদ্দিনক মঙ্গলদৈ অসামৰিক চিকিৎসালয়লৈ নিয়াৰ বিপৰীতে এই লোক দুজনক ছিপাঝাৰ প্ৰাথমিক স্বাস্থ্য কেন্দ্ৰত কোৱাৰেইন্টাইনত ৰখাৰ মাজতে শ্বোৱাব আৰু তেজৰ নমূনা পৰীক্ষাৰ ফলাফলত আজি আমিন আৰু ফৰচিদ কোভি’ড আক্ৰান্ত বুলি ধৰা পৰে ৷ দৰঙত এই পৰ্যন্ত ২৬ গৰাকী লোক আক্ৰান্ত হৈছে কোভি’ড ৰোগত ৷