দেশত ৪% বৃদ্ধি পাইছে মহিলাৰ বিৰুদ্ধে অপৰাধৰ সংখ্যা, বিপৰীতে অসমত সামগ্ৰীক অপৰাধ হ্ৰাস পাইছে ৫০ শতাংশ…
দেশত ৪% বৃদ্ধি পাইছে মহিলাৰ বিৰুদ্ধে অপৰাধৰ সংখ্যা, বিপৰীতে অসমত সামগ্ৰীক অপৰাধ হ্ৰাস পাইছে ৫০ শতাংশঃ এনচিআৰবিৰ প্ৰতিবেদন
নেশ্যনেল ক্ৰাইম ৰেকৰ্ডছ ব্যুৰোই প্ৰকাশ কৰিছে প্ৰতিবেদনত। প্ৰতিবেদনত নাৰীৰ বিৰুদ্ধে অপৰাধৰ তথ্যও প্ৰকাশ পাইছে। প্ৰতিবেদন অনুসৰি অসমত মহিলাৰ বিৰুদ্ধে অপৰাধৰ সংখ্যা ৫০ শতাংশ হ্ৰাস পাইছে। অসমৰ মুখ্যমন্ত্ৰী হিমন্ত বিশ্ব শৰ্মাই এক্স (পূৰ্বৰ টুইটাৰ)ত লিখিছে, “এনচিআৰবিৰ শেহতীয়া প্ৰতিবেদন অনুসৰি ২০২১ চনৰ পৰা অসমত সামগ্ৰিক অপৰাধ প্ৰায় ৫০% হ্ৰাস পাইছে। আৰক্ষী বাহিনীত স্বচ্ছ নিযুক্তিৰ দৰে আমাৰ প্ৰচেষ্টাই ফল প্ৰদান কৰিছে। অসম অপৰাধমুক্ত নোহোৱালৈকে আমি বিশ্ৰাম নলওঁ”।
এনচিআৰবিৰ প্ৰতিবেদনত কোৱা হৈছে যে অপৰাধৰ হাৰ (প্ৰতি লাখ জনসংখ্যাত) আগৰ ৩৪১ ৰ পৰা ১৯৪.২ লৈ হ্ৰাস পাইছে, আনহাতে আইপিচি ধাৰাৰ ঘটনা পূৰ্বৰ ১,৩৩,২৩৯ ৰ পৰা ৬৮,৯৩৭ লৈ হ্ৰাস পাইছে। অসমত এনে ছবিৰ বিপৰীতে
দেশত সামগ্ৰীকভাবে ২০২১ চনৰ তুলনাত ভাৰতত মহিলাৰ বিৰুদ্ধে পঞ্জীয়নভুক্ত অপৰাধ ৪ শতাংশ বৃদ্ধি পাইছে। দেওবাৰে প্ৰকাশ পোৱা ২০২২ চনৰ নেশ্যনেল ক্ৰাইম ৰেকৰ্ডছ ব্যুৰোৰ প্ৰতিবেদন অনুসৰি এই তথ্য প্ৰকাশ পাইছে।
২০২২ চনৰ এনচিআৰবিৰ প্ৰতিবেদনত মহিলাৰ বিৰুদ্ধে অপৰাধৰ অধীনত ৪,৪৫,২৫৬টা গোচৰ আছিল যদিও ২০২১ চনত এই সংখ্যা আছিল ৪,২৮,২৭৮টা। ২০২০ চনৰ এনচিআৰবিৰ প্ৰতিবেদনত ২০২০ চনৰ তুলনাত মহিলাৰ বিৰুদ্ধে অপৰাধৰ সংখ্যা ১৫.৩ শতাংশ বৃদ্ধি পোৱা দেখা গৈছিল।
ইফালে, ভাৰতীয় দণ্ডবিধিৰ অধীনত অপৰাধৰ পঞ্জীয়ন হ্ৰাস পাইছে – ২০২১ চনত ৩৬,৬৩,৩৬০ৰ পৰা ২০২২ চনত ৩৫,৬১,৩৭৯ লৈ হ্ৰাস পাইছে, যিটো ২.৭৮ শতাংশ হ্ৰাস পাইছে। ইয়াৰ পূৰ্বে ২০২২ চনৰ তুলনাত ২০২১ চনত ১৩.৯ শতাংশ হ্ৰাস পাইছিল।
‘ৰাজ্যৰ বিৰুদ্ধে অপৰাধ’ৰ অধীনত ২০২১ চনত ৫,১৬৪টা গোচৰ পঞ্জীয়ন হোৱাৰ বিপৰীতে ২০২২ চনত ৫,৬১০টা গোচৰ পঞ্জীয়ন কৰা হৈছে — যিটো সামগ্ৰিকভাৱে ৮.৬ শতাংশ বৃদ্ধি। এই ৫,৬১০টা গোচৰৰ ভিতৰত ৪,৪০৩টা (বা ৭৮.৫ শতাংশ) গোচৰ দ্য প্ৰিভেনচন অৱ ডেমেজ টু পাব্লিক প্ৰপাৰ্টি এক্টৰ অধীনত পঞ্জীয়ন কৰা হৈছিল, তাৰ পিছত ১,০০৫টা (১৭.৯ শতাংশ) গোচৰ দ্য বেআইনী কাৰ্য্যকলাপ (প্ৰিভেনচন) এক্টৰ অধীনত পঞ্জীয়ন কৰা হৈছিল।
চাইবাৰ অপৰাধৰ অধীনত ৰিপ’ৰ্ট হোৱা গোচৰৰ সংখ্যাও ২৪.৪ শতাংশ বৃদ্ধি পাইছে — ২০২১ চনত ৫২,৯৭৪টা গোচৰৰ পৰা ২০২২ চনত ৬৫,৮৯৩টালৈ।
২০২২ চনত পঞ্জীয়ন হোৱা চাইবাৰ অপৰাধৰ ৬৪.৮ শতাংশ গোচৰ প্ৰৱঞ্চনাৰ উদ্দেশ্যত আছিল, তাৰ পিছত ধন দাবী (৫.৫ শতাংশ), আৰু যৌন শোষণ (৫.২ শতাংশ)।