প্ৰধানমন্ত্ৰী মোদীয়ে এছ সোমনাথকে ধৰি ভাৰতীয় মহাকাশ গৱেষণা সংস্থাৰ বিজ্ঞানীসকলক সাক্ষাৎ কৰে।প্ৰধানমন্ত্ৰী নৰেন্দ্ৰ মোদীয়ে দক্ষিণ আফ্ৰিকা আৰু গ্ৰীচৰ দুখন দেশৰ ভ্ৰমণৰ সামৰণি মাৰি আজি পুৱা বাংগালুৰুত উপস্থিত হয়। বাংগালুৰুত ভাৰতীয় মহাকাশ গৱেষণা সংস্থাৰ বিজ্ঞানীক সাক্ষাৎ কৰে। প্ৰধানমন্ত্ৰী মোদীয়ে ঘোষণা কৰে যে চন্দ্ৰযান-৩ৰ মুন লেণ্ডাৰ যি স্থানত অৱতৰণ কৰিছিল, সেই বিন্দুটো ‘শিৱশক্তি’ নামেৰে জনাজাত হ’ব। বাংগালুৰুৰ ইছৰো টেলিমেট্ৰি ট্ৰেকিং এণ্ড কমাণ্ড নেটৱৰ্ক মিছন কণ্ট্ৰল কমপ্লেক্সত ভাষণ দি এই মন্তব্য কৰে প্ৰধানমন্ত্ৰী মোদীয়ে।
“আপুনি জানে যে মহাকাশ অভিযানৰ টাচডাউন পইণ্টৰ নাম ৰখাৰ বৈজ্ঞানিক পৰম্পৰা আছে। চন্দ্ৰৰ যি অংশত আমাৰ চন্দ্ৰযান-৩ অৱতৰণ হৈছে, ভাৰতে সেই ঠাইৰ নাম ৰখাৰ সিদ্ধান্ত লৈছে। চন্দ্ৰযান-৩ৰ চন্দ্ৰ অৱতৰণকাৰী জাহাজখন যি ঠাইত অৱতৰণ হৈছে, সেই বিন্দুটোক ‘শিৱশক্তি’ বুলি কোৱা হ’ব।’- এই কথা ঘোষণা কৰে প্ৰধানমন্ত্ৰী মোদীয়ে। তেওঁ আৰু কয়, “চন্দ্ৰযান ৩ত আমাৰ দেশৰ মহিলা বিজ্ঞানী, দেশৰ নাৰী শক্তিয়ে ডাঙৰ ভূমিকা পালন কৰিছে। চন্দ্ৰৰ শিৱশক্তিৰ বিন্দুটোৱে যুগ যুগ ধৰি ভাৰতৰ এই বৈজ্ঞানিক আৰু দাৰ্শনিক চিন্তাধাৰাক প্ৰতিনিধিত্ব কৰিব।” এইদৰে মন্তব্য কৰে দেশৰ প্ৰধানমন্ত্ৰীয়ে।
চন্দ্ৰযান-৩ৰ সফল অৱতৰণ উপলক্ষে আন এক বৃহৎ ঘোষণা কৰি প্ৰধানমন্ত্ৰী মোদীয়ে কয় যে ২৩ আগষ্টক এতিয়া ভাৰতৰ ‘ৰাষ্ট্ৰীয় মহাকাশ দিৱস’ হিচাপে পালন কৰা হ’ব।
“চন্দ্ৰপৃষ্ঠত চন্দ্ৰপৃষ্ঠত য’ত চন্দ্ৰযান-২য়ে ভৰিৰ চিন থৈ গৈছিল সেই ঠাইখন ‘তিৰংগা’ নামেৰে জনাজাত হ’ব। এই ‘তিৰংগা’ পইণ্ট ভাৰতৰ প্ৰতিটো প্ৰচেষ্টাৰ প্ৰেৰণা হ’ব।