নগৰবেৰাৰ নায়টৰত পানীভৰ্ত্তি দ খাৱৈত পৰি তিনিবছৰীয়া এটি ক’ণমানিৰ সলিল সমাধি ।
নাইটৰত সংঘটিত হৈছে এই শোকাবহ কাণ্ড , মৃত শিশুটি গাঁৱখনৰ ইমৰান আলী নামৰ এজনৰ পুত্ৰ তিনি বছৰীয়া ইনজামুুল হক ।
মঙ্গলবাৰৰ পুৱাৰ ভাগতেই সংঘটিত হয় এই কৰুণ ঘটনা ,বানপানী শুকাইছে যদিও চৌপাশে পানীৰে উপচি আছে খাল-বিল ,তেনে পানীভৰ্ত্তি ঘৰৰ কাষৰে দ খাল এটাত পৰি কৰুণ মৃত্যুক আঁকোৱালি লয় শিশুটিয়ে ।
ঘৰৰ চোতালত খেলি থকা অৱস্থাত কিদৰে শিশুটি পানীত পৰিল তাক তৰ্কিবই নোৱাৰিলে কোনেও ,ততালিকে শিশুটিৰ নিথৰ দেহ নগৰবেৰা চিকিৎসালয়লৈ নিয়া হৈছিল যদিও চিকিৎসকে চাই-চিটি শিশুটি মৃত বুলি ঘোষণা কৰে
ঘটনাটোক কেন্দ্ৰ কৰি সমগ্ৰ অঞ্চলজুৰি বিৰাজ কৰিছে এক শোকাকুল পৰিবেশ ।
নগৰবেৰাৰ পৰা আবুল হুছেইনৰ প্ৰতিবেদন