যুদ্ধই আমুৱাইছে পুটিনক! ক’লে— ইউক্ৰেইনৰ সৈতে আলোচনাৰ বাবে সাজু আছো ! তিনিমাহৰো অধিককাল ধৰি ইউক্ৰেইনত যুদ্ধ চলাই থাকি যেন আমুৱাইছে ৰাছিয়াৰ ৰাষ্ট্ৰপতি পুটিনক। সেয়ে তেওঁ ইউক্ৰেইনৰ সৈতে আলোচনাৰ বাবে সাজু বুলি মুকলিকৈয়ে প্ৰকাশ কৰিছে। পুটিনে এক সাক্ষাৎকাৰত দেশ খনৰ চৰকাৰী টিভিক কয়, “আমি গ্ৰহণযোগ্য সমাধানৰ বিষয়ে জড়িত আলোচনা কৰি সমস্যা মীমাংসা কৰিবলৈ সাজু, কিন্তু সেয়া তেওঁলোকৰ ওপৰত নিৰ্ভৰ কৰে – আমি মীমাংসা কৰিবলৈ অস্বীকাৰ কৰা নাই, তেওঁলোকএ কৰি আহিছে।”
ৰাষ্ট্ৰপতি ভ্লাদিমিৰ পুটিনে কয় যে ৰাছিয়া- ইউক্ৰেইনৰ যুদ্ধত জড়িত সকলো পক্ষৰ সৈতে আলোচনা কৰিবলৈ ৰাছিয়া সাজু আছে . কিন্তু কিয়েভ আৰু ইয়াৰ পশ্চিমীয়া সমৰ্থকসকলে আলোচনাত জড়িত হ’বলৈ অস্বীকাৰ কৰি আহিছে।
ৰাছিয়াই ২৪ ফেব্ৰুৱাৰীত ইউক্ৰেইন আক্ৰমণে আৰম্ভ কৰিছিল। এই যুদ্ধ দ্বিতীয় বিশ্বযুদ্ধৰ পিছত ইউৰোপত আটাইতকৈ মাৰাত্মক যুদ্ধ আৰু ১৯৬২ চনৰ কিউবান মিছাইল সংকটৰ পিছত মস্কো আৰু পশ্চিমৰ মাজত আটাইতকৈ ডাঙৰ যুদ্ধ হিচাবে পৰিগণিত হৈছে।
পুটিনে লগতে কয় যে ক্ৰেমলিনে ইয়াৰ সকলো লক্ষ্য প্ৰাপ্ত নোহোৱালৈকে যুঁজ দিব বিচাৰিছে। আনহাতে কিয়েভে ২০১৪ চনত ৰাছিয়াই অধিগ্ৰহণ কৰা ক্ৰিমিয়াকে ধৰি ইয়াৰ সকলো অঞ্চলৰ পৰা প্ৰতিজন ৰাছিয়াৰ সৈনিকক উলিয়াই নিদিয়ালৈকে ই বিশ্ৰাম ল’ব বিচৰা নাই।
পুটিনে কৈছিল যে ৰাছিয়াই ইউক্ৰেইনত “সঠিক দিশত” কাম কৰি আছে । কিয়নো আমেৰিকা যুক্তৰাষ্ট্ৰৰ নেতৃত্বত পশ্চিমে ৰাছিয়াক বিচ্ছিন্ন কৰিবলৈ চেষ্টা কৰি আছে।
“মই বিশ্বাস কৰোঁ যে আমি সঠিক দিশত কাম কৰি আছো, আমি আমাৰ ৰাষ্ট্ৰীয় স্বাৰ্থ, আমাৰ নাগৰিক, আমাৰ জনসাধাৰণৰ স্বাৰ্থ ৰক্ষা কৰি আছো। আমাৰ নাগৰিকসকলক সুৰক্ষা দিয়াৰ বাহিৰে আমাৰ ওচৰত আন কোনো উপায় নাই,” পুটিনে কয়।