বৰপেটা চহৰৰ মাজমজিয়াত চুৰিৰ ঘটনা ৷বৰপেটা চহৰৰ দুখনকৈ ব্যৱসায় প্ৰতিষ্ঠানত নিশা চুৰি ৷ৰাজলক্ষী ভাণ্ডাৰ আৰু বহাগী ড্ৰাগচ্ ডিষ্ট্ৰিবিউটৰচ্ নামৰ ঔষধৰ পাইকাৰী প্ৰতিষ্ঠানত চুৰি ৷ৰাজলক্ষী ভাণ্ডাৰ নানৰ গেলামালৰ ব্যৱসায়িক প্ৰতিষ্ঠানটোৰ দুৱাৰৰ তলা ভাঙে যদিও চোৰে দোকানখনৰ ভিতৰত প্ৰবেশ কৰিবলৈ সক্ষম নহ’ল ৷ইপিনে বহাগী ড্ৰাগচ্ ডিষ্ট্ৰিবিউটৰচ্ নামৰ ঔষধৰ পাইকাৰী প্ৰতিষ্ঠানৰ তলা ভাঙি চোৰ সোমাই কেচ কাউন্টাৰ আদি লণ্ডভণ্ড কৰে যদিও কোনো সামগ্ৰী লুটি কৰা নাই ৷চোৰে সম্ভৱত টকা পইচা বিচাৰিহে কেচ কাউন্টাৰ লণ্ড ভণ্ড কৰে ৷ইপিনে চুৰিৰ ঘটনাটোক লৈ হৈছে আন এক ৰহস্যৰ ৷চুৰিৰ ঘটনাটো সংঘটিত হোৱা সময়ৰ দৃশ্য আৱদ্ধ হোৱা নাই চিচি কেমেৰাত ৷চুৰিৰ ঘটনাটো সংঘটিত হোৱাৰ আগৰ অথবা পিচৰ সকলো দৃশ্য চিচি কেমেৰাত আৱদ্ধ হৈ আছে যদিও লক্ষ্যনীয়ভাৱে চুৰিৰ সময়ৰ কোনো দৃশ্য আৱদ্ধ হোৱা নাই চিচি কেমেৰাত ৷এয়া চোৰৰ কোনো হাইটেক্ কৌশল নেকি তাক লৈয়ো প্ৰশ্ন উঠিছে৷
কিন্তু দুয়োখন ব্যৱসায়িক প্ৰতিষ্ঠানতে নাছিল নগদ ধন৷চোৰে প্ৰতিষ্ঠান দুখনৰ সা সামগ্ৰী লণ্ড ভণ্ড কৰে যদিও আন কোনো সামগ্ৰী চুৰি কৰি নিয়া নাই ৷ইতিমধ্যে ঘটনা সম্পৰ্কে আৰক্ষীক অজাহাৰ দাখিল কৰা হৈছে ৷