অমিতা হৈছে পুষ্টিকৰ উপাদানৰে ভৰপূৰ ফল, খালী পেটত অমিতা খালে বহু উপকাৰ হ’ব পাৰে। কিন্তু কিছুমান মানুহৰ বাবে খালী পেটত অমিতা খোৱাটো ক্ষতিকাৰক। আপুনি আপোনাৰ খাদ্য তালিকাত অমিতা বহু ধৰণে অন্তৰ্ভুক্ত কৰিব পাৰে, কিন্তু ৰাতিপুৱা খালী পেটত গ্ৰহণ কৰিলে আৰু অধিক উপকাৰী। কিন্তু যদি এই সমূহ ৰোগ আচে তেন্তে খালী পেটত অমিতা খোৱাৰ পৰা বিৰত থাকক-
১/ হজম শক্তি উন্নত কৰে
এন আই এইচত প্ৰকাশিত এক অধ্যয়ন অনুসৰি অমিতাত পোৱা পেপেইন নামৰ এনজাইমে হজম শক্তি উন্নত কৰাত সহায় কৰে। এই এনজাইমে প্ৰটিন ভাঙি পেলোৱাত সহায় কৰে, যাৰ বাবে খাদ্য সহজে হজম হয়। খালী পেটত অমিতা খালে এই এনজাইমে অধিক ফলপ্ৰসূ কাম কৰে আৰু গেছ, বদহজম আৰু কোষ্ঠকাঠিন্য আদি সমস্যাৰ পৰা সকাহ দিব পাৰে।
২) বিষমুক্ত কৰাত সহায়ক
অমিতা এটা প্ৰাকৃতিক বিষমুক্তকাৰী এজেণ্ট। ইয়াত থকা আঁহ আৰু ভিটামিন চিয়ে শৰীৰৰ পৰা বিষাক্ত পদাৰ্থ আঁতৰোৱাত সহায় কৰে। এনে পৰিস্থিতিত ৰাতিপুৱা খালী পেটত অমিতা খালে এই প্ৰক্ৰিয়া আৰু অধিক ক্ষীপ্ৰ হয়, যাৰ ফলত শৰীৰত থকা বিষাক্ত পদাৰ্থৰ পৰিমাণ কমি যায় আৰু সুস্বাস্থ্য বজাই ৰাখে।
৩/ ৰোগ প্ৰতিৰোধ ক্ষমতা বৃদ্ধি কৰে
অমিতাত ভিটামিন চিৰ সমৃদ্ধ উৎস, যিয়ে শৰীৰৰ ৰোগ প্ৰতিৰোধ ক্ষমতা বৃদ্ধি কৰাত সহায় কৰে। খালী পেটত অমিতা খালে ভিটামিন চি পোনপটীয়াকৈ তেজত সোমাই শৰীৰক সংক্ৰমণৰ বিৰুদ্ধে যুঁজিবলৈ শক্তি প্ৰদান কৰে।
৪/ ওজন কমাবলৈ সহায়ক
অমিতা কম কেলৰি আৰু আঁহযুক্ত ফল। ই খাদ্য সোনকালে হজম কৰাত সহায় কৰে আৰু দীৰ্ঘদিন ধৰি ভৰি থকা অনুভৱ কৰে, যাৰ ফলত আপুনি কম খাদ্য গ্ৰহণ কৰে আৰু ওজন হ্ৰাস কৰাত সহায় কৰে।
৫. ছালৰ বাবে উপকাৰী
গৱেষণাৰ মতে, অমিতাত থকা ভিটামিন এ আৰু এন্টিঅক্সিডেন্ট ছালৰ বাবে অতি উপকাৰী। এই উপাদানসমূহে ছালৰ কোষক পুষ্টি প্ৰদান কৰে আৰু ছালখনক ডেকা কৰি ৰখাত সহায় কৰে। লগতে খালী পেটত অমিতা খালে ছালৰ লগত জড়িত সমস্যা যেনে ব্ৰণ আৰু বলিৰেখা বহু পৰিমাণে নিয়ন্ত্ৰণত থাকে।
কিন্তু এইসকল লোকে খালী পেটত অমিতা খাব নালাগে-
বিশেষকৈ ডায়েবেটিছ ৰোগত আক্ৰান্ত বা তেজৰ চেনি নিয়ন্ত্ৰণ কৰিবলৈ চেষ্টা কৰিলে খালী পেটত অমিতা খোৱাৰ পৰা বিৰত থকাটো প্ৰয়োজনীয়। ইয়াৰ উপৰিও যদি আপুনি লেটেক্স বা পেপেইনৰ প্ৰতি এলাৰ্জী হয় তেন্তে যিকোনো ধৰণে অমিতা খোৱাটো আপোনাৰ বাবে ক্ষতিকাৰক বুলি প্ৰমাণিত হ’ব পাৰে।