১৩ ডিচেম্বৰ,২০২৪। মৰিয়নিত পুৱতি নিশা আৰক্ষী চকীৰ সমীপৰ পৰাই বিলাসী বাহনত আহি গোহালীৰ পৰা চোৰে লৈ গ’ল গৰু।(Cows)
মৰিয়নিৰ চেলেং চাহ বাগিছাত বিলাসী বাহন যোগে গৰু চোৰ।বাগিছাখনৰ সন্তোষ সিং নামৰ গো পালক জনৰ চোতালৰ পৰা পুৱতি নিশা এখন স্কপিঅ’ বাহনত অহা এটা চোৰৰ দলে এজনী গৰু চোৰ কৰি লৈ যায়।চোৰৰ দলটোৱে গৰু জনী স্কপিঅ’বাহনত উঠোৱা সময়ত গো পালক গৰাকী সাৰ পাই চিঞৰ বাখৰ কৰে যদিও গৰু সহ চোৰৰ দলটো ধোদৰ আলিয়েদি আমগুৰি
দিশে তীব্ৰ বেগেৰে পলাই যাবলৈ সক্ষম হয়।মটীয়া ৰংৰ স্কপিঅ’ বাহন খনত তিনিটা চোৰে গৰু জনী তোলা প্ৰত্যক্ষ কৰিছিল গো পালক গৰাকীয়ে।
মনকৰিব লগীয়া যে গৰু চুৰ হোৱা ঘটনাস্থলীৰ পৰা চেলেং আৰক্ষী চকীলৈ মাত্ৰ কেইশ মিটাৰ মানহে দূৰত্ব।আৰক্ষী চকীৰ সমীপতে বিলাসী বাহনত
চোৰ আহি ঘৰৰ চোতালৰ পৰা নিৰ্বিঘ্নে গৰু চোৰ কৰি লৈ যোৱা ঘটনাই চাঞ্চল্য সৃষ্টি কৰা লগতে গো পালক সকল চিন্তিত হৈ পৰিছে।