ৰাজ্যত চোৰ- ডকাইতৰ লগতে তীৰ জুৱাৰ বিৰুদ্ধে অসম আৰক্ষীৰ অভিযান অব্যাহত থকাৰ সময়তে তামুলপুৰৰ দ্বাৰকুছিত এক প্ৰকাৰ প্ৰত্যাহ্বান জনাই চোৰে চুৰি কৰি নিলে বস্তাই বস্তাই চুপাৰি।সোমবাৰে পুৱতি নিশা দ্বাৰকুছিত চোৰে লুটি নিলে প্ৰায় সাত লক্ষ টকাৰ চুপাৰি।জানিব পৰা মতে তামুলপুৰৰ দ্বাৰকুছি নিৱাসী মাইনুদ্দিন আলি, ৰিয়াজুল হক আৰু মকছেদ আলি নামৰ তিনিজন যুৱ ব্যৱসায়ীৰ ঘৰৰ দৰ্জা ভাঙি যোৱা নিশা চোৰে ১৫ কুইন্টল (২৯ বস্তা) চিকনি চুপাৰি চুৰি কৰি লৈ যায়।চুৰি চুপাৰি খিনিৰ মুল্য প্ৰায় ৭ লাখ টকা হব বুলি ভুক্তভোগীৰ পৰিয়ালে জানিবলৈ দিয়ে।
পৰিয়ালৰ লোকে এবিএমছুৰ সহযোগত গান্ধীবাৰী আৰক্ষী চকীত ইতিমধ্যে এখন এজাহাৰ দাখিল কৰে । ইপিনে সমগ্ৰ ঘটনাৰ তদন্ত কৰি চোৰক আটক কৰিবলৈ আৰক্ষীক দাবী জনাইছে এবিএমছুৱে।শেহতীয়া ভাৱে গান্ধী বাৰী আৰক্ষী চকীৰ আৰক্ষী ঘটনাস্থলীত উপস্থিত হৈ চুৰিকাণ্ডৰ জোৰদাৰ তদন্ত আৰম্ভ কৰিছে।