সোণতলী
আজি ঘোষিত হল হাইস্কুল শিক্ষান্ত আৰু হাই মাদ্ৰাছা পৰীক্ষা ফলাফল৷ দক্ষিণ কামৰূপৰ অতিকৈ পিছপৰা অঞ্চলৰ দৰিদ্ৰ পৰিয়ালৰ এগৰাকী ছাত্ৰই ৯৪. ৫ শতাংশ নম্বৰ আৰু আন এগৰাকী ছাত্ৰই ৯৩.৫ শতাংশ নম্বৰ লাভ কৰাৰ বিপৰিতে আন এগৰাকী ছাত্ৰীয়ে ৯১ শতাংশ নম্বৰ লাভ সক্ষম হয়৷ উল্লেখযোগ্য যে, সোণতলীৰ অতিকৈ ভিতৰুৱা ঠাই নিজ কাঠমী গাৱৰ কিতাপৰ দোকান কৰা ফজল হকৰ পুত্ৰ আশ্ৰাফুল হক আৰু আৰিকাটিৰ গাঁৱৰ তামোলৰ ক্ষুদ্ৰ ব্যৱসায়ী মেছেৰ আলীৰ পুত্ৰ ইলিয়াচ আলী আৰু টুপামাৰী হলংগাপাৰা গাঁৱৰ খাদিজা আহমেদে হাইস্কুল শিক্ষান্ত পৰীক্ষাত আটাইকেইটা বিষয়ত লেটাৰ নম্বৰ লাভ কৰি সুখ্যাতিৰে উত্তীৰ্ণ হৈছে । উল্লেখ্য যে, আশ্ৰাফুল হকে মুঠ ৬০০ নম্বৰৰ বিপৰীতে অসমীয়াত ৮৫,ইংৰাজীত ৮৯,সাধাৰণ গণিতত ১০০,সাধাৰণ বিজ্ঞানত ৯৭,সমাজ বিজ্ঞানত ৯৭, ঐচ্ছিক গণিতত ৯৯ নম্বৰেৰে সৰ্বমুঠ ৫৬৭ নম্বৰ লৈ শতকৰা ৯৪.৫ শতাংশ নম্বৰ লাভ কৰে । কালাতলী কাঠমী আঞ্চলিক ছিনিয়ৰ ছেকেণ্ডাৰী স্কুলৰ ছাত্ৰ আশ্ৰাফুলৰ সাফল্যই শিক্ষক সমাজক অধিক আনন্দিত কৰি তুলিছে । আনহাতে ইলিয়াচ আলীয়ে ৬০০ নম্বৰৰ বিপৰিতে ৯৩.৫ শতাংশ নম্বৰ লাভ কৰিবলৈ সক্ষম হয়৷ ইলিয়াচে ঐচ্ছিক গণিতত ১০০, সাধাৰণ গণিতত ৯৯, ইংৰাজী ৯৬, বিজ্ঞানত ৯৫, সমাজ বিজ্ঞানত ৮৬, অসমীয়াত ৮৫ নম্বৰ পাই আৰিকাটি অঞ্চলৰ সুনাম কঢ়িয়াই আনে৷ ইপিনে আদৰ্শ শিশু বিদ্যালয়ৰ ছাত্ৰী তথা টুপামাৰীৰ হলমগাপাৰা গাঁৱৰ আলাউদ্দিনৰ কন্যা খাদিজা খাতুনে ৬০০ নম্বৰৰ বিপৰিতে, ইংৰাজীত ৮৩, গণিতত ১০০, বিজ্ঞানত ৯৮, ঐচ্ছিক গণিতত ৯৬, অসমীয়াত ৮৭, সমাজ বিজ্ঞানত ৮৩ নম্বৰ লাভ কৰে৷ তাই সাফল্যত বিদ্যালয়ৰ শিক্ষক সমাজক অতিকৈ আনন্দিত কৰাৰ লগতে পিতৃ-মাতৃকো গৌৰবান্বিত কৰে৷ ইপিনে আৰিকাটিৰ ইলিয়াচৰ মাতৃ অঙ্গনৱাড়ী কেন্দ্ৰৰ কৰ্মীৰ লগতে ক্ষুদ্ৰ ব্যৱসায়ী মেছেৰ আলীয়ে প্ৰথম অৱস্থাত সোণতলী নাজমা হীৰা মেম’ৰিয়েল পাব্লিক স্কুলত পঢ়াইছিল যদিও ষষ্টম শ্ৰেণীৰ পৰা নলবাৰীৰ ৰামপুৰস্থিত হজৰত আলী মেম’ৰিয়েল একাডেমিত নাম ভৰ্তি কৰাই দিয়ে৷ উল্লেখ্য যে, দৰিদ্ৰ পৰিয়ালৰ ইলিয়াচ আলীৰ ফলাফলত অভিভাৱক সন্তষ্ট হৈছে যদিও সন্তানৰ সপোন পূৰণ কৰিবলৈ আৰ্থিক অৱস্থা দুৰ্বল হৈ থকাত মানসিক ভাবে ভাগি পৰে৷ ভৱিষ্যতে ডক্টৰ হোৱাৰ সপোন দেখা আশ্ৰাফুল হক আৰু ইলিয়াচৰ নাম ভৰ্তিৰ বাবে আৰ্থিক সাহায্য আগবঢ়াবলৈ চৰকাৰলৈ অনুৰোধ জনাইছে পৰিয়াল তিনিটায় ৷ উল্লেখ্য যে, বকো সমষ্টিৰ বিধায়িকা নন্দিতা দাসে ছাত্ৰ-ছাত্ৰীসকলৰ সাফল্যত ফোনযোগে অভিনন্দন জনাই বুলি জনা যায়৷
