তিনিচুকীয়া জিলা উপায়ুক্ত ভাস্কৰ পেগু দেহত কৰ’না পজিটিভ । উপায়ুক্ত কাৰ্যালয়, বাংলো কণ্টেনমেণ্ট জ’ন ঘোষনা।

তিনিচুকীয়া : কৰনা ভাইৰাছে ভয়ংকৰ ৰূপ ধাৰণ কৰিছে তিনিচুকীয়াত। তিনিচুকীয়া জিলা উপায়ুক্ত ভাস্কৰ পেগুৰ দেহত ধৰা পৰিছে কৰনা ভাইৰাছ । কালি সন্ধিয়া উপায়ুক্ত গৰাকীৰ দেহত কৰ’না ভাইৰাছ ধৰা পৰাৰ পিচতে তেওঁক বাংলোতে আইছলেশ্যনত ৰখা হৈছে । আজি উপায়ুক্তৰ কাৰ্যালয় আৰু বাংলো কণ্টেনমেণ্ট জ’ন হিচাপে ঘোষনা কৰা হয় । উপায়ুক্ত ভাস্কৰ পেগু আৰোগ্য নোহোৱালৈকে জিলা উন্নয়ন আয়ুক্ত সাৰাংগপানি ৰ্শমাক ভাৰপ্ৰাপ্ত জিলা উপায়ুক্ত হিচাপে দ্বায়িত্বভাৰ দিয়া হৈছে । অন্যহাতে কালি দিনৰ ভাগত বাঘজান অগ্নিকাণ্ডৰ ক্ষতিগ্ৰস্তক মন্ত্ৰী সঞ্জয় কিষান, আৰক্ষী অধীক্ষক শিলাদিত্য চেতিয়াৰ লগতে অইলৰ কেইবাগৰাকীও বিষয়াৰ উপস্থিতিত চেক বিতৰণ কৰিছিল উপায়ুক্ত ভাষ্কৰ পেগুৱে। ইফালে উক্ত অনুষ্ঠানত জিলাখনৰ কেইবাগৰাকী সাংবাদিকো উপস্থিত আছিল।উপায়ুক্ত গৰাকীৰ কৰনা পজিটিভ ধৰা পৰাৰ পিছতে তীব্ৰ চাঞ্চল্যৰ সৃষ্টি কৰিছে আৰু জিলাখনত অহা বুধবাৰৰ পৰা নগৰাঞ্চলত সম্পূৰ্ণ ল’কডাউন হোৱাৰ পূৰ্ণ সম্ভাবনা আছে ।