নাগালেণ্ডৰ য়াচাং চি বস্তিৰ পৰা নগাই আৱদ্ধ কৰি ৰখা টীয়কৰ আৰক্ষী দলটো উদ্ধাৰ কৰা হৈছে। ADSP লুনা সোণোৱালৰ নেতৃত্বত উদ্ধাৰ ১২ জনীয়া আৰক্ষী দল। নগাই আক্ৰমণ কৰা আৰক্ষী জোৱানজনক ডিব্ৰুগড়ৰ মেডিকেল কলেজলৈ প্ৰেৰণ কৰা হৈছে। [Assam Police]
উল্লেখযোগ্য যে কালি নাগালেণ্ডত অসম আৰক্ষীৰ সৈতে ভয়ংকৰ ঘটনা সংঘটিত হয়। নগাৰ আক্ৰমণৰ বলি হ’ল অসম আৰক্ষী। গাড়ী চুৰৰ বিৰুদ্ধে অভিযান চলাবলৈ নাগালেণ্ডৰ য়াচাং চি বস্তিলৈ গৈছিল যোৰহাট আৰক্ষীৰ বৃহৎ দল। কিন্তু তাৰ মাজতেই আৰক্ষীক আক্ৰমণৰ লক্ষ্য কৰি ল’লে নগাই। এগৰাকী আৰক্ষী বেটেলিয়নক দাৰে কাটিলে নগা দৃৰ্বৃত্তই। গুৰুতৰভাবে আহত আৰক্ষী জোৱান। লগতে আৰক্ষীৰ দলটোৱে লগত নিয়া সমস্ত অস্ত্ৰ-শস্ত্ৰও নগাই কাঢ়ি ৰাখিলে। কালি সন্ধিয়া যোৱা আৰক্ষী দলটোৰ সৈতে যোৱা টীয়ক থানাৰ ভাৰপ্ৰাপ্ত বিষয়াকো নগাই আবদ্ধ কৰি ৰাখে বুলি জানিব পৰা গৈছে।
পৰৱৰ্তী সময়ত টীয়ক থানাৰ ভাৰপ্ৰাপ্ত বিষয়া গংগাৰাম ফুকনসহ এটা বেটেলিয়ানৰ দল নাগালেণ্ডৰ ইয়া চাং চি বস্তিলৈ বুলি ৰাওনা হয়। অৱশেষত নাগালেণ্ডৰ পৰা উদ্ধাৰ কৰা হ’ল নগাই আবদ্ধ কৰি ৰখা অসম আৰক্ষী দল। টীয়কত উপস্থিত নগালেণ্ডত আৱদ্ধ টীয়কৰ আৰক্ষী দল। গুৰুতৰভাৱে আঘাতপ্ৰাপ্ত হৈছে নগাই দাৰে আক্ৰমণ কৰা আৰক্ষী জোৱানজন। আঘাতপ্ৰাপ্ত আৰক্ষী জোৱানজন 11 APBNৰ বিদ্যুৎ দাস বুলি জানিব পৰা গৈছে। তদুপৰি এটা নগা দুৰ্বৃত্তক ইতিমধ্যে যোৰহাট আৰক্ষীয়ে আটক কৰিছে। সম্প্ৰতি ADSPয়ে নগাই আৱদ্ধ কৰি ৰখা আৰক্ষীৰ দলটোক সোধা-পোছা অব্যাহত ৰাখিছে।