সাতটা পৰ্যায়ত অনুষ্ঠিত কৰি থকা লোকসভা নিৰ্বাচন-২০২৪ৰ আজি চতুৰ্থ পৰ্যায়ৰ ভোটগ্ৰহণ অনুষ্ঠিত হ’ব। আজি দেশৰ ১০খন ৰাজ্য-কেন্দ্ৰীয় শাসিত অঞ্চলৰ ৯৬ টা সমষ্টিত চতুৰ্থ পৰ্যায়ৰ লোকসভা নিৰ্বাচন অনুষ্ঠিত। একেটা দিনতে অন্ধ্ৰ প্ৰদেশ ৰাজ্যিক বিধানসভাৰ সকলো আসন আৰু ওড়িশা ৰাজ্যিক বিধানসভাৰ ২৪ খন আসনৰ বাবেও ভোটগ্ৰহণ অনুষ্ঠিত হ’ব৷ লগতে ১৩ মে’ৰ দিনাই অন্ধ্ৰ প্ৰদেশ ৰাজ্যিক বিধানসভাৰ সকলো অৰ্থাৎ ১৭৫ খন আসন আৰু ওড়িশা ৰাজ্যিক বিধানসভাৰ ২৮ খন আসনৰ বাবেও একেলগে ভোটগ্ৰহণ অনুষ্ঠিত হ’ব ৷ ভোটাৰৰ অংশগ্ৰহণ বৃদ্ধিৰ বাবে আয়োগে (পুৱা ৭ বজাৰ পৰা সন্ধিয়া৬ বজালৈ) তেলেংগানাৰ ১৭ টা সংসদীয় সমষ্টিৰ কিছু বিধানসভা খণ্ডত ভোটদানৰ সময় বৃদ্ধি কৰিছে৷
লোকসভা নিৰ্বাচনৰ চতুৰ্থ পৰ্যায়ত ১০ খন ৰাজ্য/কেন্দ্ৰীয় শাসিত অঞ্চলৰ পৰা ১,৭১৭ গৰাকী প্ৰাৰ্থীয়ে নিৰ্বাচনত অৱতীৰ্ণ হৈছে৷ চতুৰ্থ পৰ্যায়ৰ বাবে এটা লোকসভা সমষ্টিত প্ৰতিদ্বন্দ্বিতা কৰা প্ৰাৰ্থীৰ গড় সংখ্যা ১৮ জন৷ ভোটগ্ৰহণ আৰু নিৰাপত্তা বিষয়া যাতায়তৰ বাবে চতুৰ্থ পৰ্যায়ত তিনিখন ৰাজ্যত (অন্ধ্ৰ প্ৰদেশ-২, ঝাৰখণ্ড- ১০৮; ওড়িশা-১২) ১২২খন বিমান চলাচল কৰোৱা হৈছে৷ ১৯ লাখৰো অধিক ভোটগ্ৰহণ বিষয়াই ১.৯২ লাখ ভোটকেন্দ্ৰত ১৭.৭ কোটিৰো অধিক ভোটাৰৰ ভোট গ্ৰহণ কৰিব।