হৰি ভকতিৰে মুখৰিত হৈ পৰিছে শ্ৰীমন্ত শংকৰদেৱ সংঘৰ ৯২ সংখ্যক জোনাই বাৰ্ষিক অধিৱেশনস্তলী। এক আধ্যাত্মিক ভক্তি ৰসত উৰ্বৰ চিমেন চাপৰিৰ চেৰেণ পথাৰৰ পৰমানন্দ আতা সমন্বয় ক্ষেত্ৰ। শুক্ৰবাৰৰ পৰা শ্ৰীমন্ত শংকৰদেৱ সংঘৰ ৯২ সংখ্যক জোনাই বাৰ্ষিক অধিৱেশনৰ আজি দ্বিতীয় দিন।
কাৰ্যসূচী মৰ্মে পুৱা ৫ বজাত পৰিৱেশ নিকাকৰণ, প্ৰাতঃ প্ৰসঙ্গ, নাম প্ৰসঙ্গৰ পাছত পুৱা ৮ বজাত শৰণ সমিতিৰ বৈঠক, পুৱা ৯-৩০ বজাত জিলা শাখাৰ সভাপতি সম্পাদক সন্মিলন, পুৱা ১০-৩০ বজাত শ্ৰীমন্ত শঙ্কৰদেৱ সংঘৰ সাহিত্য শাখা সমিতিৰ সভাপতি মৃণাল কুমাৰ বৰুৱাৰ সভাপতিত্বত সাহিত্য শাখা সমিতিৰ অধিৱেশন। অনুষ্ঠানৰ উদ্ধোধন কৰে শ্ৰীমন্ত শঙ্কৰদেৱ সংঘৰ সাহিত্য শাখা সমিতিৰ প্ৰাক্তন সভাপতি ড৹ জগত চন্দ্ৰ কলিতাই।
অনুষ্ঠানত মুখ্য অতিথি হিচাপে উপস্থিত থাকে প্ৰেছ কাউঞ্চিল অৱ ইণ্ডিয়াৰ বিশিষ্ট সাংবাদিক প্ৰকাশ ডুবে, বিশিষ্ট গান্ধীবাদী নেতা হেম ভাই, বেনাৰস হিন্দু বিশ্ববিদ্যালয়ৰ প্ৰাধ্যাপক ড৹ জ্ঞানেন্দ্ৰ নাৰায়ণ ৰায়,তেজপুৰ বিশ্ববিদ্যালয়ৰ প্ৰাধ্যাপক ড৹ অনু শব্দ, বীৰাংগনা সতী সাধনী বিশ্ববিদ্যালয়ৰ উপাচাৰ্য ড৹ জ্যোতিপ্ৰসাদ শইকীয়া, মহাৰাষ্ট্ৰৰ মৈত্ৰী আলোচনীৰ সম্পাদক কাঞ্চন বহন,দিল্লী বিশ্ববিদ্যালয়ৰ সহযোগী প্ৰাধ্যাপক ড৹ ৰত্নোত্তমা দাস বিক্ৰম উপস্থিত হোৱা অনুষ্ঠানত নিৰ্দিষ্ট বক্তা হিচাপে মাজুলী সাংস্কৃতিক বিশ্ববিদ্যালয়ৰ পঞ্জীয়ক ড৹ বিনোদ চন্দ্ৰ বড়া অংশগ্ৰহণ কৰে।
দিনৰ ২ বজাত শ্ৰীমন্ত শঙ্কৰদেৱ সংঘৰ সংস্কৃতি শাখা সমিতিৰ সভাপতি ড৹ সুৰেশ চন্দ্ৰ বৰাৰ সভাপতিত্বত অনুষ্ঠিত কৰা সংস্কৃতি শাখা সমিতিৰ অধিৱেশনখন উদ্ধোধন কৰে জ্যোতি চিত্ৰবনৰ অধ্যক্ষ বিদ্যাসাগৰে। সভাত অসমৰ বিভিন্ন প্ৰান্তৰ কেইবাগৰাকীও বিশিষ্ট ব্যক্তি অতিথি হিচাপে উপস্থিত থাকে। সন্ধ্যা ৫ বজাত সমূহীয়া প্ৰাৰ্থনা, নাম প্ৰসঙ্গৰ পাছত সন্ধ্যা ৬ বজাত অনুষ্ঠিত কৰা সাংস্কৃতিক সমাৰোহৰ উদ্ধোধন কৰিব আন্তঃৰাষ্ট্ৰীয় খ্যাতি সম্পন্ন কন্ঠশিল্পী তৰালি শৰ্মাই আৰু অনুষ্ঠানত সন্মানিত অতিথি হিচাপে উপস্থিত থাকিব বিশিষ্ট অভিনেতা যতীন বৰাই।
সন্ধ্যা অঙ্কীয়া নাট পাৰিজাত হৰণ,ৰাম-বিজয় প্ৰদৰ্শন কৰা হ’ব। আজিৰ দ্বিতীয় দিনা অধিৱেশন স্থলীত আগমণ হৈছে লক্ষ লক্ষ ভকত বৈষ্ণৱ বাপ আই মাতৃ সকলৰ। সকলোকে আকৰ্ষিত কৰিছে আটক ধুনীয়া তোৰণ আৰু মণ্ডপ, সুউচ্চ পতাকা বেদী, বাঁহ আৰু ঠকো পাতেৰে নিৰ্মাণ কৰা মূল মঞ্চ মণ্ডপ , খেৰ বাঁহৰে নিৰ্মাণ কৰা গুৰু জনাৰ সৃষ্ঠ নামঘৰে। ইফালে সু বিশাল ভোজনালয়ত তিনিদিনত ছয় সাঁজ ভাত খুৱাবলৈ প্ৰস্তুত হৈ আছে শ শ স্বেছাসেৱক ।
ভোজনালয়ত একেলগে বহি এমুঠি আহাৰ গ্ৰহন কৰিছে ১০ হাজাৰ লোকে। পুৱাঁ গধুলি লৈকে ৩০০ শ চৌকা জ্বলা বিশাল ভোজনালয়ত ৪০০ শ ৰোধিক ৰান্ধনীনো ব্যস্ত হৈ পৰিছে। প্ৰতিকুল বতৰকো নেওচি অসমৰ লগতে উত্তৰ-পূৰ্বাঞ্চলৰ বিভিন্ন প্ৰান্তৰ ভকত বৈষ্ণৱৰ সোঁত বৈছে পৰমানন্দ আতা সমন্বয় ক্ষেত্ৰ। জাক জাক বাপ আই মাতৃৰ নাম প্ৰসংগৰে ৰজন জনাইছে জোনাইৰ চেৰেণ পথাৰ পৰমানন্দ আতা সমন্বয় ক্ষেত্ৰ।